ഇയാന്‍, വേദനയോടെ വിട!

Farewell! Iam Murdock

ഗിറ്റില്‍ ഉണക്കാനിട്ട കോഡുകളുടെ
ശീലകളില്‍ നിന്നിനിയും
നനവു് തോര്‍ന്നിട്ടില്ല.
നികത്താന്‍ കഴിയാത്ത നിശ്ശൂന്യത
നിവര്‍ത്തിയിട്ടുകൊണ്ടാണ്
അയാള്‍ കളമൊഴിഞ്ഞതു്.

ഡെബിയനിലെ വര്‍ത്തുളമുദ്രയ്ക്കിടയില്‍
എവിടെയോ ഇപ്പോഴും ഇയാന്റെ
പുഞ്ചിരി പ്രകാശിക്കുന്നുണ്ട്.
ആ നിറപുഞ്ചിരിയില്‍
സ്വാതന്ത്ര്യത്തിന്റെ പടക്കുതിരകള്‍
കടിഞ്ഞാണിന്റെ ബന്ധനമില്ലാതെ
കുതിച്ചുപായുന്നുണ്ടു്.

ഡെബിയനിലെ ഇയാന്‍.
ഈയലുകള്‍ക്കു് ചിറകുവച്ചപ്പോള്‍
പ്രകാശത്തിന്റെ സൂര്യനിലേയ്ക്കു്
സ്വയം പറന്നുയര്‍ന്നവന്‍.
വ്യവസ്ഥിതിയോടു കലഹിച്ചു്
സ്വാതന്ത്ര്യത്തിനുവേണ്ടി പോരാടാന്‍
ഒരു ജീവിതം തന്നെ അര്‍പ്പിച്ചവന്‍.

ഇയാന്‍, വേദനയോടെ വിട!

Advertisements