നിങ്ങളുടെ കമ്പ്യൂട്ടറില്‍ എങ്ങനെ ഗ്നു/ലിനക്സ്‌ മള്‍ട്ടിപ്പിള്‍ ഡിസ്ട്രിബ്യൂഷനുകള്‍ സിസ്റ്റമാറ്റിക് ആയി ഇന്‍സ്റ്റാള്‍ ചെയ്യാം?

ഡിസ്ക് പാര്‍ടീഷനിംഗ് എന്നത് ഒരു കലയാണ്‌. ഓരോ പാര്‍ടീഷനുകളും എന്തൊക്കെ കാര്യങ്ങള്‍ക്ക് വേണ്ടിയാണ് എന്ന് വ്യക്തമായ ധാരണ ഉള്ളവര്‍ക്കെ കൃത്യമായും ശാസ്ത്രീയമായും പാര്‍ടീഷന്‍ ചെയ്യാന്‍ കഴിയുകയുള്ളൂ. ആ കഴിവ് നിങ്ങള്‍ക്കും ആര്‍ജ്ജിക്കാം. Home എന്തിനുള്ളതാണ്? swap ഉപയോഗിക്കുന്നത് എന്തിനു വേണ്ടിയാണ്? root നു എത്ര വലുപ്പം വേണം? തുടങ്ങിയ കാര്യങ്ങള്‍ വ്യക്തമായി അറിഞ്ഞിരിക്കേണ്ടതുണ്ട്. എന്നാല്‍ മാത്രമേ ഒരു ഗ്നു/ലിനക്സ്‌ സിസ്റ്റം കൃത്യമായി / ഫലപ്രദമായി ഭാഗം തിരിക്കാന്‍ കഴിയൂ.

നിങ്ങളുടെ ഹാര്‍ഡ് ഡിസ്കില്‍ 500 GB സ്പേസ് ഉണ്ടെന്നു കരുതുക. RAM 3 ജീബിയും. ഡെബിയന്‍  / ഉബുണ്ടു / മിന്റ്  / ക്രഞ്ച്‌ ബാംഗ് തുടങ്ങിയ ഡിസ്ട്രിബ്യൂഷനുകള്‍ ആണ് നിങ്ങള്‍ക്ക് ഇന്‍സ്റ്റാള്‍ ചെയ്യേണ്ടത്. ഈ നാല്  ഓപ്പറേറ്റിംഗ്  സിസ്റ്റങ്ങളില്‍ മിന്റ് ആണ് നിങ്ങളുടെ ഡീഫോള്‍ട്ട് ഓ.എസ്. ഇതിനെ അടിസ്ഥാനപ്പെടുത്തി എങ്ങനെ പാര്‍ടീഷന്‍ ചെയ്യണം / ഏതു ക്രമത്തില്‍ ഇന്‍സ്റ്റാള്‍ ചെയ്യണം? ഏതൊക്കെ പാര്‍ടീഷനുകള്‍ കോമണ്‍ ആക്കണം?

TIP : പാര്‍ടീഷന്‍ ചെയ്യാന്‍ ഏറ്റവും ഉത്തമം ഒരല്‍പം പഴയ ഡെബിയന്‍ ബൂട്ട് സീഡി തന്നെയാണ്. Lenny അല്ലെങ്കില്‍ Sarge

SWAP

ഇത് എല്ലാ ഡിസ്ട്രിബ്യൂഷനുകള്‍ക്കും കോമണ്‍ ആയി ഉപയോഗിക്കാം. സാധാരണ ഗതിയില്‍ എത്ര ജീബി റാം ഉണ്ടോ അതിന്റെ ഇരട്ടി ജീബി ആണ് സ്വാപ്പിനു നല്‍കുക. നിങ്ങള്‍ക്ക്  മൂന്നു ജീബി റാം ഉള്ളതിനാല്‍ സ്വാപ് ആറു ജീബി നല്‍കുക.

കുറിപ്പ് : വിര്‍ച്ച്വല്‍ മെമ്മറി പിന്തുണയ്ക്കുന്നതിനായിട്ടാണ് swap പാര്‍ട്ടീഷനുകള്‍ ഉപയോഗിക്കുന്നത്. കമ്പ്യൂട്ടര്‍ പ്രവര്‍ത്തിക്കുമ്പോള്‍ RAM-ല്‍ ഡേറ്റാ സൂക്ഷിക്കുവാന്‍ ആവശ്യമുളള സ്ഥലം ലഭ്യമല്ലെങ്കില്‍ ഡേറ്റാ swap പാര്‍ട്ടീഷനിലേക്കു് എഴുതപ്പെടുന്നു. പക്ഷെ 32 ബിറ്റ് ഓ.എസ്. ആണ് നിങ്ങള്‍ ഉപയോഗിക്കുന്നതെങ്കില്‍ അതിനു അഡ്രസ്‌ ചെയ്യാന്‍ കഴിയുന്ന RAM-നും  വിര്‍ച്വല്‍ മെമ്മറിയ്ക്കും പരിമിതിയുണ്ട്. 32 ബിറ്റ് ഓ.എസുകള്‍ക്ക് പരമാവധി 3 ജീബി RAM വരെ മാത്രമേ ഉപയോഗിക്കാനാവൂ. ഇങ്ങനെയുള്ള സാഹചര്യങ്ങളില്‍ swap പാര്‍ട്ടീഷനുകള്‍ക്ക് പ്രസക്തിയില്ല. എങ്കിലും ഇത്തരം സാഹചര്യങ്ങളില്‍ RAM=SWAP എന്ന കണക്കില്‍ RAM-നു തുല്യമായ അളവില്‍ SWAP സ്പേസ് നല്‍കുന്ന രീതിയാണ് പലരും അവലംബിക്കുന്നത്. മറിച്ച് 64 ബിറ്റ് ഓ.എസ്. ആണ് നിങ്ങള്‍ ഉപയോഗിക്കുന്നതെങ്കില്‍ swap പാര്‍ട്ടീഷനുകള്‍ പ്രസക്തമാണ്.

HOME

ഇത് ഉപയോക്താവിന്റെ സൗകര്യം അനുസരിച്ച് എല്ലാ ഡിസ്ട്രിബ്യൂഷനുകള്‍ക്കും കോമണ്‍ ആയോ അല്ലാതെയോ ഉപയോഗിക്കാം. കോമണ്‍ ആയി ആണ് ഉപയോഗിക്കുന്നതെങ്കില്‍ ഒരു കാര്യം പ്രത്യേകം ശ്രദ്ധിക്കാനുള്ളത് ഓരോ ഡിസ്ട്രിബ്യൂഷനിലും ഒരേ യൂസര്‍ നെയിം വരാന്‍ പാടില്ല എന്നതാണ്. ഉദാഹരണത്തിന് ഡെബിയനില്‍ tom എന്ന യൂസര്‍ ഉണ്ടെങ്കില്‍ tom എന്ന അതേ പേരില്‍ മിന്റില്‍ ഒരു യൂസറെ സൃഷ്ടിക്കരുത് എന്നതാണ്. അങ്ങനെ ചെയ്‌താല്‍ home ഡയറക്ടറിയില്‍ ആദ്യം സൃഷ്ടിക്കപ്പെട്ട യൂസറിന്റെ ഫയലുകള്‍ നഷ്ടപ്പെട്ടു പോകും എന്നതാണ്. ചുരുക്കത്തില്‍ ഡാറ്റ ലോസ് സംഭവിക്കും എന്ന് സാരം.  ഹോമിനു നമുക്ക് ഒരു 300 ജീബി വീതിച്ചു നല്‍കാം. കോമണ്‍ ആയി ഉപയോഗിക്കുകയാണെങ്കില്‍ കൂടുതല്‍ മറ്റൊന്നും ചെയ്യേണ്ടതില്ല. ഈ ഒരൊറ്റ extended partition അങ്ങനെ തന്നെ ഓരോ ഡിസ്ട്രോകള്‍ക്കും നമുക്ക് ഉപയോഗിക്കാം. അതല്ല ഓരോ ഡിസ്ട്രോകള്‍ക്കും സ്വതന്ത്രമായ ഹോം തന്നെ വേണം എന്നുള്ളവര്‍ ഈ പാര്‍ടീഷന്‍ നാല് ലോജിക്കല്‍ പാര്‍ടീഷനുകള്‍ ആയി പിന്നെയും വിഭജിക്കണം. ഈ ഓരോ പാര്‍ടീഷനുകളുടെയും പേരുകള്‍ വ്യക്തമായി മനസ്സിലാകത്തക്കവണ്ണം ഒരു കടലാസ്സില്‍ നിര്‍ബന്ധമായും കുറിച്ച് വയ്ക്കുകയും ചെയ്യണം. പിന്നീട് ഇന്‍സ്റ്റലേഷന്‍ സമയത്ത് ഈ കുറിപ്പുകള്‍ അടിസ്ഥാനപ്പെടുത്തി വേണം ഓരോ ലോജിക്കല്‍ പാര്‍ടീഷനുകളിലേക്കും ഹോം കാണിച്ചു കൊടുക്കാന്‍

ROOT

ബാക്കിയുള്ള സ്പേസ് നമുക്ക് റൂട്ടിന് നല്‍കാം. ഇനി ബാക്കിയുള്ളത് ഏതാണ്ട് 190 ചില്ലറ ജീബി സ്പേസ് ആണ്. ഇതിനെ 40 വീതം ജീബി ഉള്ള ലോജിക്കല്‍ പാര്‍ടീഷനുകളായി പിന്നെയും വിഭജിക്കുക. ഈ ഓരോ പാര്‍ടീഷനുകളുടെയും പേരുകളും വ്യക്തമായി മനസ്സിലാകത്തക്കവണ്ണം ഒരു കടലാസ്സില്‍ നിര്‍ബന്ധമായും കുറിച്ച് വയ്ക്കുകയും ചെയ്യണം. പിന്നീട് ഇന്‍സ്റ്റലേഷന്‍ സമയത്ത് ഈ കുറിപ്പുകള്‍ അടിസ്ഥാനപ്പെടുത്തി വേണം ഓരോ ലോജിക്കല്‍ പാര്‍ടീഷനുകളിലേക്കും റൂട്ട് കാണിച്ചു കൊടുക്കാന്‍. ശരിക്കും റൂട്ടിന് ഒരു 20-30 ജീബി സ്പേസ് ധാരാളം മതി. എന്നിരിക്കിലും മറ്റു മൂന്ന് ഡിസ്ട്രിബ്യൂഷനുകള്‍ക്കും 40 വച്ചും മിന്റിനു ശേഷിക്കുന്ന സ്പേസും നല്‍കുക.

പാര്‍ട്ടീഷനിംഗ് കഴിഞ്ഞാലുടന്‍ താഴെ പറയുന്ന കമാന്‍ഡ് നല്‍കി എല്ലാ പാര്‍ടീഷനുകളുടെയും ലിസ്റ്റ് എടുക്കുക.

cfdisk -Ps /dev/hda > destinationFileName

ഈ കമാന്‍ഡ് എക്സിക്യൂട്ട് ചെയ്തു കഴിയുമ്പോള്‍ പാര്‍ട്ടീഷന്‍ ടേബിള്‍ നിങ്ങള്‍ക്കു ലിസ്റ്റ് ആയി ഒരു ഫയലില്‍ ലഭിക്കുന്നു. ഈ ഫയല്‍ / ലിസ്റ്റ് നിങ്ങള്‍ക്കു വ്യക്തമായി മനസ്സിലാവും വിധം എഡിറ്റ്‌ ചെയ്തോ എഴുതിയോ പിന്നീടുള്ള ആവശ്യങ്ങള്‍ക്കായി ഉപയോഗിക്കാം. ഈ ഡോക്യുമെന്റ് ഒരിക്കലും നഷ്ടപ്പെടുത്തുകയും അരുത്.

എന്താണ് ഇത്തരത്തില്‍ പാര്‍ട്ടീഷന്‍ ചെയ്തത് കൊണ്ടുള്ള ഗുണം?

ഒരു ഡിസ്ട്രിബ്യൂഷന്റെ  പുതിയ പതിപ്പുകള്‍ വരുമ്പോള്‍ ഡിസ്ക് / പാര്‍ട്ടീഷന്‍ ഫോര്‍മാറ്റ് ചെയ്തു വീണ്ടും ഇന്‍സ്റ്റാള്‍ ചെയ്യുന്ന രീതി ഒഴിവാക്കാം. ഡേറ്റ ലോസ് പൂര്‍ണ്ണമായും ഇല്ലാതാക്കാം. പക്ഷെ ശ്രദ്ധിച്ചു കൈകാര്യം ചെയ്യണം എന്ന് മാത്രം. അല്ലെങ്കില്‍ കാര്യങ്ങള്‍ കൈ വിട്ടുപോകും.

ബാദ്ധ്യതാ നിരാകരണം

ഇവിടെ പ്രസ്താവിച്ച കാര്യങ്ങള്‍ ഞാന്‍ സ്വയം പരീക്ഷിച്ചതും ഈ രംഗത്തെ വിദഗ്ദ്ധരുടെ ഉപദേശമനുസരിച്ചും രേഖപ്പെടുത്തിയിരിക്കുന്നതാണ്. എന്നിരിക്കിലും ഇത് സ്വയം പരീക്ഷിക്കുന്നത് ഒരാള്‍ അയാളുടെ സ്വന്തം ഉത്തരവാദിത്വത്തിലായിരിക്കണം. മറിച്ചുള്ള പരീക്ഷണങ്ങളുടെ അനന്തരഫലങ്ങള്‍ക്കു ലേഖകന് യാതൊരു ബാധ്യതയും ഉണ്ടായിരിക്കുന്നതല്ല.

Advertisements

പച്ചാസ് ദിന്‍ കീ ബാത്

50 ദിവസം കൊണ്ടു് കള്ളപ്പണം പുറത്തുകൊണ്ടുവന്നില്ലെങ്കില്‍ ജനങ്ങള്‍ നല്കുന്ന യേതു ശിക്ഷയും സ്വീകരിക്കും എന്നു പറഞ്ഞയാള്‍ ഇപ്പോഴെന്തേ 50 ദിവസം കഴിഞ്ഞു് സാവധാനമേ കാര്യങ്ങള്‍ ശരിയാവൂ എന്നു് വാക്കു മാറ്റൂന്നു?

കൂടുതല്‍ വായിക്കൂ

ഇന്ത്യന്‍ പ്രധാനമന്ത്രി = വാക്കു മാറ്റൂന്ന പ്രധാനമന്ത്രി

😦

ഫേസ്ബൂക്ക് എങ്ങനെ നിങ്ങളെ ഉപയോഗിക്കുന്നു?

ചുമ്മാ കണ്ടുനോക്കൂ. ഒരു മാട്രിക്സ് സ്പൂഫ് ടെലിവിഷന്‍ എപ്പിസോഡ് ആണിതു്. എങ്ങനെ ഫേസ്ബൂക്ക് നിങ്ങളെ ഉപയോഗിക്കുന്നു എന്നു ഒരല്‍പ്പം തമാശ കലര്‍ത്തി പറയുന്നു എന്നേയുള്ളൂ. പറയുന്നതു പക്ഷേ മൂഴുവന്‍ വെള്ളം ചേര്‍ക്കാത്ത സത്യമാണു്.

ഇന്ത്യയെ ഒരു സര്‍വെയ്ലന്‍സ് സമൂഹമാക്കാന്‍ സ്വേച്ഛാധിപതിയുടെ ആഹ്വാനം

ഇന്ത്യന്‍ സ്വേച്ഛാധിപതി നവംബര്‍ എട്ടിനു് സന്ധ്യയോടെ ഇന്ത്യയിലെ എല്ലാ സാധാരണക്കാര്‍ക്കുമായി ഒരെട്ടിന്റെ പണിതന്നു. ഇന്ത്യയെ ഒരു സര്‍വെയ്ലന്‍സ് സമൂഹമാക്കാന്‍ വേണ്ട മുന്നൊരുക്കത്തിനായി കള്ളപ്പണവേട്ടയെന്ന മറവില്‍ ഇന്ത്യന്‍ ജനാധിപത്യത്തെ ബലാലാ‍സംഗം ചെയ്തുകൊണ്ടു് മോദി (ആ പേരുച്ചരിക്കാന്‍ എനിക്കു് അറപ്പുണ്ടു് – ആയതുകൊണ്ടു് ഇനിമേല്‍ “അയാള്‍” എന്നേ പറയു) എന്ന സ്വേച്ഛാധിപതി രാജ്യത്തു് സാമ്പത്തിക അടിയന്തിരാവസ്ഥ പ്രഖ്യാപിച്ചു. വേണ്ടത്ര വിദ്യാഭ്യാസം പോലുമില്ലാത്ത ജനം കൗശലക്കാരനായ സ്വേച്ഛാധിപതി പറഞ്ഞതു പോലെ കള്ളപ്പണം ഇല്ലാത്ത തേനും പാലും ഒഴുകുന്ന പൂതിയൊരിന്ത്യക്കായി അങ്ങാടിവാണിഭമെന്തെന്നറിയാത്ത ആടുകള്‍ക്കു സമം പൊരിവെയിലത്തു ഏടിഎമ്മുകള്‍ക്കു മുന്നില്‍ വരി നിന്നു. ഇന്ത്യയിലയാള്‍ കാഷ്ലെസ്സ് വിപ്ലവം കൊണ്ടുവരും പോലും.

ഞങ്ങള്‍ക്കറിയാം നിങ്ങളിതെല്ലാം അറി‍ഞ്ഞുകൊണ്ടു് പണിതതാണെന്നു്. പെട്ടിയ്ക്കു പാകമാകാത്ത 2000-ത്തിന്റെ ഉലുവ ഒണ്ടാക്കിയതും അതു തന്നെ ആവശ്യത്തിനു് ഒണ്ടാക്കാത്തതും ഒക്കെ നിങ്ങടെ ഒടുക്കത്തെ പ്ലാനിംഗിന്റെ ഭാഗമാണെന്നു് ഞങ്ങള്‍ക്കറിയാം. 500-ന്റെ ഉലുവ ഇറക്കാന്‍ വൈകിയതും പിന്‍വലിച്ച കടലാസ്സുകളൊക്കെ പഴയമട്ടിലാക്കാന്‍ വൈകുന്നതുമൊക്കെ ഇതേ പദ്ധതിയുടെ ഭാഗമാണെന്നു ഞങ്ങള്‍ക്കറിയാം. ഇതൊക്കെ എന്തിനു വേണ്ടിയാണെന്നും ഞങ്ങള്‍ക്കറിയാം. ഒടുക്കം അയാള്‍ തന്നെ പറഞ്ഞതു പക്ഷേ സത്യമാണു് – ഇതു നിങ്ങടെയൊക്കെ ഒടുക്കത്തെ വരി നില്‍ക്കലാണു് – ഇനിയൊരു വരിനില്ക്കാന്‍ സാധാരണക്കാരായ നിങ്ങളെ ഞാന്‍ അനുവദിക്കില്ല.

കള്ളപ്പണം എന്നു പറഞ്ഞപ്പോള്‍ ജനം കരുതിയതു് രാഷ്ട്രീയക്കാരും കോര്‍പ്പറേറ്റുകളും കട്ടുമുടിച്ച ലക്ഷക്കണക്കിനു കോടികളാണെന്നാണു്. കൂലിപ്പണിക്കാരും അത്താഴപ്പട്ടിണിക്കാരുമായ സാധാരണ‍ജനം നിത്യം കൈകാര്യം ചെയ്യുന്നതും ഈ കള്ളപ്പണം അഥവാ കണക്കില്‍ പെടാത്ത പണം ആണെന്നു് ഒരിക്കലും ഈ പാവങ്ങള്‍ ചിന്തിച്ചില്ല. ഗ്രാമീണമേഖലയിലുള്ളവരുടെ കൈകളിലൂടെ കയറിയിറങ്ങുന്നതു് ഈയര്‍ത്ഥത്തില്‍ നോക്കിയാല്‍ മുഴുവന്‍ കള്ളപ്പണം തന്നെയാണെന്നതിനു് സംശയം വേണ്ട. കള്ളപ്പണമെന്നു സ്വേച്ഛാധിപതി പറഞ്ഞപ്പോള്‍ അയാളുദ്ദേശിച്ചതു് ഈ കള്ളപ്പണമാണെന്നു് കഴുതകളായ ജനം കരുതിയതേയില്ല.

കാഷ്ലെസ്സ് ഇക്കണോമി

വെറും പ്രാഥമിക വിദ്യാഭ്യാസം പോലുമില്ലാത്ത ഗ്രാമീണജനതയ്ക്കുവേണ്ടി അയാള്‍ കാഷ്ലെസ്സ് വിപ്ലവം കൊണ്ടു വന്നു എന്നുതന്നെ വയ്ക്കൂ. പണമിടപാടുകള്‍ സുഗമമാക്കാന്‍ വേണ്ടി മാത്രമാണോ അതു്? അങ്ങനെ ചെയ്താല്‍ അങ്ങു് പാനമയിലൂം  മൗറീഷ്യസിലൂം സ്വിസ്സ് ബാങ്കിലൂമൊക്കെ കിടക്കുന്ന ബില്ല്യണ്‍ കണക്കിനു് ഡോളര്‍ ഇന്ത്യന്‍ കള്ളപ്പണം തനിയേ പുറത്തുവന്നു് ഇന്ത്യയെ സമ്പന്നമാക്കുമോ? ഇവയൊക്കെ നടപ്പാകുകയാണെങ്കില്‍ പൗരനു് ആവശ്യമായ പ്രൈവസി ആരു് ഉറപ്പുവരുത്തും? നിതി ആയോഗ് പറയുന്നതു കേള്‍ക്കൂ – കാഷ്ലെസ്സ് ഇക്കണോമി പ്രചരിപ്പിക്കുന്നതിനു് ജില്ലാ കളക്ടുര്‍മാര്‍ക്കും മജിസ്ട്രേട്ടുമാര്‍ക്കും അവര്‍ കമ്മീഷന്‍ നല്കാന്‍ പോകുന്നു പോലും.

ഇനി നമുക്കു് ഇന്ത്യന്‍ ഗ്രാമങ്ങള്‍ ഒന്നിനു പിറകേ മറ്റൊന്നായി സാമ്പത്തികമായി തകരുന്ന ഹൃദയഭേദകമായ കാഴ്ചകള്‍ കാണാം, അതിനു പിന്നില്‍ മോ_മാരും, അദാനികളും, അംബാനികളും, ഇന്ത്യയുടെ കോര്‍പ്പറേറ്റ് ഇലവനും ട്രമ്പുമാരുടെ അനുഗ്രഹാശിസ്സുകളോടെ കരങ്ങള്‍ കോര്‍ത്തു് ആര്‍ത്തുല്ലസിക്കുന്നതും കാണാം.

ഒന്നോര്‍ത്തോളൂ. കാഷ്ലെസ്സ് ഇക്കണോമി അപകടമാണു്. അതു നിങ്ങളുടെ സ്വകാര്യതയ്ക്കുമേലുള്ള കടന്നുകയറ്റമാണു്. കറന്‍സി, ചെക്ക് തുടങ്ങിയ പരമ്പരാഗത മാര്‍ഗ്ഗങ്ങള്‍ തന്നെ സുരക്ഷിതം. പണം ബാങ്കില്‍ നിന്നു് നേരിട്ടു് വിത്ഡ്രവല്‍ സ്സിപ്പ്/ചെക്ക് ഉപയോഗിച്ചു് പിന്‍വലിക്കുക, ഇന്റര്‍നെറ്റ് ബാങ്കിംഗ്/മൊബൈല്‍ ബാങ്കിംഗ് ഒക്കെ പൂര്‍ണ്ണമായും ഒഴിവാക്കുക. യുപിഐ/യുഎസ്സ്എസ്സ്ഡി പേമെന്റുകള്‍ വേണ്ടെന്നുവയ്ക്കുക. കാഷ്ലെസ്സ് ഇക്കണോമിയുമായി നിസ്സഹകരിക്കുക.