ഫേസ്ബൂക്ക് എങ്ങനെ നിങ്ങളെ ഉപയോഗിക്കുന്നു?

ചുമ്മാ കണ്ടുനോക്കൂ. ഒരു മാട്രിക്സ് സ്പൂഫ് ടെലിവിഷന്‍ എപ്പിസോഡ് ആണിതു്. എങ്ങനെ ഫേസ്ബൂക്ക് നിങ്ങളെ ഉപയോഗിക്കുന്നു എന്നു ഒരല്‍പ്പം തമാശ കലര്‍ത്തി പറയുന്നു എന്നേയുള്ളൂ. പറയുന്നതു പക്ഷേ മൂഴുവന്‍ വെള്ളം ചേര്‍ക്കാത്ത സത്യമാണു്.

Advertisements

ഒരു ആസ്കി ചിത്രകല

ചുമ്മാ ഒരു നേരമ്പോക്ക്.

freelokamfreelokamfreelokamfreel
okamfreelokamfreelokamfreelokamf
reelokamfreelokamfreelokamfreelo
kamfreelokamfreelokamfreelokamfr
eelokamfreelokamfreelokamfreelok
amfreelokamfreelokamfreelokamfre
elokamfreelokamfreelokamfreeloka
mfreelokamfreelokamfreelokamfree
lokamfreelokamfreelokamfreelokam
freelokamfreelokamfreelokamfreel
okamfreelokamfreelokamfreelokamf
reelokamfreelokamfreelokamfreelo
kamfreelokamfreelokamfreelokamfr
eelokamfreelokamfreelokamfreelok
amfreelokamfreelokamfreelokamfre
elokamfreelokamfreelokamfreeloka
mfreelokamfreelokamfreelokamfree
lokamfreelokamfreelokamfreelokam
freelokamfreelokamfreelokamfreel
okamfreelokamfreelokamfreelokamf
reelokamfreelokamfreelokamfreelo
kamfreelokamfreelokamfreelokamfr
eelokamfreelokamfreelokamfreelok
amfreelokamfreelokamfreelokamfre
elokamfreelokamfreelokamfreeloka
mfreelokamfreelokamfreelokamfree
lokamfreelokamfreelokamfreelokam
freelokamfreelokamfreelokamfreel
okamfreelokamfreelokamfreelokamf
reelokamfreelokamfreelokamfreelo
kamfreelokamfreelokamfreelokamfr
eelokamfreelokamfreelokamfreelok
amfreelokamfreelokamfreelokamfre
elokamfreelokamfreelokamfreeloka
mfreelokamfreelokamfreelokamfree
lokamfreelokamfreelokamfreelokam
freelokamfreelokamfreelokamfreel
okamfreelokamfreelokamfreelokamf
reelokamfreelokamfreelokamfreelo
kamfreelokamfreelokamfreelokamfr
eelokamfreelokamfreelokamfreelok
amfreelokamfreelokamfreelokamfre
elokamfreelokamfreelokamfreeloka
mfreelokamfreelokamfreelokamfree
lokamfreelokamfreelokamfreelokam
freelokamfreelokamfreelokamfreel
okamfreelokamfreelokamfreelokamf
reelokamfreelokamfreelokamfreelo
kamfreelokamfreelokamfreelokamfr
eelokamfreelokamfreelokamfreelok

പക്ഷേ സംഗതി എങ്ങനെയുണ്ട്?

ഗ്രബ്ബ് റിക്കവറി

വല്ലപ്പോഴും മാത്രം കമ്പ്യൂട്ടര്‍ മെയിന്റനന്‍സിന് ഇറങ്ങിപ്പുറപ്പെടുന്ന എന്നെപ്പോലുള്ളവര്‍ക്ക് കിട്ടുന്ന മുട്ടന്‍പണിയാണ് ഗ്രബ്ബ് റിക്കവറി. വിന്‍ഡോസ് ഇന്‍സ്റ്റാള്‍ ചെയ്തുകഴിയുന്നതോടെ ഗ്നൂ/ലിനക്സിന്റെ പൂമുഖത്തു നിന്നു പടിയിറങ്ങി പിണങ്ങിപ്പുറപ്പെട്ടു മുങ്ങുന്ന ഗ്രബ്ബണ്ണനെ ഇന്റര്‍നെറ്റിന്റെ സഹായത്തോടെ ഒരുവിധേന തലകുത്തി മറിഞ്ഞ് മുങ്ങിത്തപ്പി മുടിയ്ക്കു കുത്തിപ്പിടിച്ചെടുക്കുന്ന ഈ കലാപരിപാടി എന്റെ ഓര്‍മ്മയില്‍ ഏതാണ്ട് മൂന്നുനാലുതവണ ചെയ്തിട്ടുണ്ട്. പറഞ്ഞിട്ടെന്തുകാര്യം, വീണ്ടും ഒരൊന്നൊന്നര വര്‍ഷം കഴിയുമ്പോള്‍ അതു വീണ്ടും മറക്കും.

ആക്ച്വലി, സംഗതി വളരെ സിമ്പിളാ. ചില വിദ്വാന്മാര്‍ എന്താ ചെയ്ക എന്ന്വച്ചാല്‍ വീണ്ടും രണ്ടാമതു ഒരു ലിനക്സ് ഡിസ്ട്രിബ്യൂഷന്‍ വരെ അങ്ങട് ഇന്‍സ്റ്റാള്‍ ചെയ്തു കഴിയും, എന്തിനാന്നോ ഗ്രബ്ബിനെ തിരിച്ചു കൊണ്ടുവരാന്‍ മാത്രം. ഇന്റര്‍നെറ്റൊക്കെ ഇത്രേം ചീപ്പാകുന്നതിനും മുമ്പ് ഈയുള്ളവനു തന്നെ ഒരിക്കല്‍ അങ്ങനെ ചെയ്യേണ്ടി വന്നിട്ടുണ്ട്. ദാ ഇന്നലെ ഒരു ചങ്ങായീന്റെ വീട്ടില്‍ ഓന്റെ വിന്‍ഡോസ് പുഴുവരിച്ച് ചക്രശ്വാസം വലിച്ചു കിടക്ക്വാന്ന് പറഞ്ഞപ്പോള്‍ ഒന്നു നോക്കാന്‍ പോയി. ശത്രുവാണെങ്കിലും രോഗശയ്യയിലാണെങ്കില്‍ പോയിക്കാണണം എന്നാണല്ലോ പറയാ, അതോണ്ടാ പോയേ. ചെന്നുനോക്ക്യപ്പോ സംഗതി സത്യാര്‍ന്നു. നെറച്ച് പുഴു. ച്ചാല്‍ വൈറസ്, ബാക്ടീരിയ മുതല്‍ കുതിര വരെ ഇങ്ങനെ പടക്കോപ്പണിഞ്ഞ് നിക്ക്വാ. ഈ ട്രോജന്‍ കുതിരകളേ… പിന്നെ അധികം പണിക്കൊന്നും നിക്കാണ്ട് ആ ചാകാറായ വിന്‍ഡോസിനെ ദയാവധം കല്‍പ്പിച്ചു ഫോര്‍മാറ്റി.

പിന്നെ അവന്റെ കൈവശമുണ്ടായിരുന്ന മീഡിയ ഇട്ട് വിന്‍ഡോസിനെ ഇന്‍സ്റ്റാളി. ശ്ശോ! ഒരു ജാതി മെനകെട്ട പെണ്ണുങ്ങളെ കെട്ടി വീട്ടില്‍ കൊണ്ടുവരണ പോലെയാണെ വിന്‍ഡോസിന്റെ കുരുത്തംകെട്ട ബൂട്ട് ലോഡര്‍. “ഇനി അമ്മായിയമ്മയ്ക്കും നാത്തൂന്മാര്‍ക്കും ഈ വഴി പ്രവേശനമില്ല” എന്ന് ഒരു ബോര്‍ഡാ കെട്ടിത്തൂക്കും ഇവറ്റകള്‍. നമ്മളപ്പോലത്തെ മെയില്‍ ഷോവനിസ്റ്റുകള്‍ അതൊക്കെ സമ്മയ്ച്ച് കൊടുക്കോ? പിന്നെന്താ ചെയ്യാ?

നമ്മള്‍ ശാസ്ത്രീയമായി മുന്നോട്ടു പോകും 🙂 ഹമ്പട!

അവള്‍ടെ ഒടുക്കത്ത അഹങ്കാരം തീര്‍ത്തുകൊടുക്കാന്‍ ആദ്യമായി നമ്മള്‍ പുതുതായി ഇന്‍സ്റ്റാള്‍ ചെയ്ത വിന്‍ഡോസിനെ ഷട്ട് ഡൗണ്‍ ചെയ്ത് ഉറക്കി മലര്‍ത്തിക്കിടത്തും. എന്നിട്ട് ലൈവായിട്ടൊരു ചുള്ളന്‍ ഉബുണ്ടു ചെക്കനെ അങ്ങട് സീഡീ ട്രേയില്‍ ലോഡ് ചെയ്ത് സിസ്റ്റം ബൂട്ട് ചെയ്യും. അത് ഭയങ്കര ഈസ്യാ. എന്നിട്ട് അവള്‍ – ആ മൂധേവി – ആ ബോര്‍ഡ് എവിടെയാ കൊണ്ടുപോയി എഴുതിവച്ചിരിക്കുന്നതെന്ന് ശരിക്കും പരിശോധിക്കും. അതിന് ഹാര്‍ഡ് ഡ്രൈവ് പാര്‍ട്ടീഷനുകള്‍ ഓരോന്നായി മൗണ്ട് ചെയ്തു തന്നെ നോക്കണം. /boot/grub/grub.cfg എന്ന സ്ഥലത്താണ് കക്ഷി Master Boot Record എന്ന് പേരുള്ള ഈ എഴുത്ത് സാധാരണയായി എഴുതിവയ്ക്കാറ്. grub.cfg എവിടെയുണ്ടെന്നു കണ്ടുപിടിച്ചാല്‍ പിന്നെ സംഗതി വളരെ എളുപ്പമാണ്.

ദിങ്ങനെ ഒരു നീളന്‍ കമാന്‍ഡ് അങ്ങട് എഴുന്നുള്ളിക്കുക.

grub-install --boot-directory=/(mountpath)/grub /dev/sda

ഇതില്‍ (mountpath) എന്നെഴുതിയിടത്ത് എവിടെയാണോ ഡ്രൈവ് മൗണ്ട് ചെയ്തത് ആ പാത്ത് കൊടുത്താല്‍ സംഗതി ജോര്‍

എല്ലാം ഓക്കെ ആയാല്‍ ദിങ്ങനെ ഒരു മെസേജ് ടെര്‍മിനലില്‍ പ്രത്യക്ഷപ്പെടും.

No errors reported.

ഇതോടെ ഉബുണ്ടു ചെക്കന്റെ മഹനീയമായ പണി നിര്‍ത്താം. ഇനി അവനെ റീബൂട്ട് ചെയ്ത് സീഡീ പുറത്തെടുത്ത് നോര്‍മ്മലായി ഒന്നു ബൂട്ട് ചെയ്തു നോക്കൂ. നാണിച്ചു നാണിച്ചിരിക്കുന്ന ഗ്നൂ/ലിനക്സ് നാത്തൂന്‍മാരെയും അമ്മായിയമ്മയേയും ഗ്രബ്ബണ്ണന്‍ അവിടെ നിരത്തിനിര്‍ത്തിയിരിക്കുന്ന ആ മനോഹര കാഴ്ച്ച ആസ്വദിച്ചു കാണാം. ഇനി ദാ മറ്റവളെ ഡെസ്ക്ടോപ്പിനു മുകളില്‍ കൊണ്ടു കിടത്തണമെങ്കില്‍ chainload ചെയ്യേണ്ടിവരും. അഹങ്കാരത്തിന്റെ ശിക്ഷ. ഡിങ്കാഡിങ്ക! ഡിങ്കടഡിങ്ക!

ഇന്ത്യ ഇലക്ഷൻ 2014

ഇന്ത്യയിലെ ഒരു ഗ്രാമത്തിൽ ചെയ്യാത്ത മോഷണക്കുറ്റത്തിന് ഒരു നിരപരാധിയെ രാജാവിന്റെ ഭടന്മാർ പിടിച്ചു കൊണ്ട് പോയി. ഇല്ലാത്ത തെളിവുകൾ ഹാജരാക്കി ഒടുവിൽ ശിക്ഷ വിധിച്ചു. എന്തു കൊണ്ടോ രാജാവ് അയാൾക്ക്‌ ഒരു ചോയ്സ് നൽകി.

ഒന്നുകിൽ ഒറ്റയിരിപ്പിൽ നൂറ് ഉള്ളി തിന്നുക, അല്ലെങ്കിൽ നൂറ് ചാട്ടവാറടി കൊള്ളുക.

നൂറ് ഉള്ളി തിന്നുതാണ് ഭേദം എന്ന് മനസ്സിൽ വിചാരിച്ചു അയാൾ ആദ്യ ചോയ്സ് എടുത്തു. അയാൾ ഉള്ളി തിന്നാൻ തുടങ്ങി. പത്ത് ഉള്ളി തിന്നപ്പോഴെയ്ക്കും അയാൾ അവശനായി. ഇതിലും ഭേദം അടി കൊള്ളുന്നതാണെന്നു നിനച്ച് അയാൾ അടി തരാൻ ഭടൻമാരോട് ആവശ്യപ്പെട്ടു.

ഉടനെ ഭടന്മാർ വന്നു അയാളെ കെട്ടിയിട്ടു ചാട്ടവാർ കൊണ്ട് അടി തുടങ്ങി. അഞ്ചാറ് അടി കൊണ്ടപ്പോഴെയ്ക്കും അയാൾ വേദന കൊണ്ട് പുളഞ്ഞ് “ഞാൻ ഉള്ളി തിന്നോളാമേ… എന്നെ തല്ലല്ലേ…” എന്ന് ഉറക്കെ നിലവിളിക്കാൻ തുടങ്ങി. വീണ്ടും ആദ്യം മുതൽ ഉള്ളി തീറ്റ ആരംഭിച്ചു. അടിയുടെ വേദന പെട്ടെന്ന് മറക്കാത്തതിനാൽ ഒരു പതിനഞ്ചെണ്ണം ഒരു കണക്കിന് തിന്നു തീർത്തു, പക്ഷെ ഒടുവിൽ അവശനായി ഛര്‍ദ്ദിക്കാന്‍ തുടങ്ങിയപ്പോൾ “ഇനി എന്നെ അടിക്കൂ” എന്ന് പാവത്തിന് വീണ്ടും പറയണ്ടി വന്നു.

കഥ ഇന്നും തീർന്നിട്ടില്ല, ദാ, ഉള്ളി തിന്നു തിന്നു പതം വന്ന് ഒടുവിൽ എന്നെ കെട്ടിയിട്ടു തല്ലൂ എന്ന് പാവം വീണ്ടും നിലവിളി തുടങ്ങിയത് ഇന്നാണ്. കഥ ഈ അടുത്ത കാലത്തൊന്നും തീരില്ല; ഇത് തുടർന്നു കൊണ്ടേയിരിക്കും, എന്നെന്നേയ്ക്കും.

{  ഇലക്ഷൻ ദിവസം സുഹൃത്തായ അവിനാശിനോട് സംസാരിച്ചപ്പോൾ സാന്ദർഭികമായി അദ്ദേഹം പറഞ്ഞതാണീ കഥ  }

മയിലാടുംകുന്നിലേയ്ക്കുള്ള വഴി

മയിലാടുംകുന്നിലെ പോസ്റ്റ്‌ ഓഫീസിലാണ് ജനാർദ്ദനൻ ജോലി ചെയ്യുന്നത്. തീവണ്ടിയിൽ ആണ് അദ്ദേഹം സ്ഥിരമായി ഓഫീസിൽ പോകുന്നത്. മയിലാടുംകുന്നിലെയ്ക്ക്‌ പോകാൻ മുൻകാലങ്ങളിൽ കക്ഷി എന്നും ഇറങ്ങിയിരുന്നത് കുയിൽപാടും മല സ്റ്റേഷനിലായിരുന്നു. എന്നാൽ ഓഫീസിൽ പോകാൻ കുയിൽപാടും മലയിൽ ഇറങ്ങുന്നതിലും എളുപ്പം മുയലോടുംകാട് സ്റ്റേഷനിൽ ഇറങ്ങുന്നതാണെന്ന് ഒരിക്കൽ കക്ഷി കണ്ടെത്തി. വഴി വളരെ എളുപ്പവും സുഗമവും ആയിരുന്നു. പുതിയ വഴി കണ്ടെത്തിയതോടെ ജനാർദ്ദനനു ഓഫീസിൽ പോകാൻ കൂടുതൽ ആവേശമായി. വഴിയിലാകട്ടെ തിരക്ക് തീരെ കുറവാണ്. കുയിൽപാടും മല സ്റ്റേഷനിൽ നിന്ന് ഓഫീസിലേയ്ക്ക് പോകുന്ന ആ പഴയ വഴി വളരെ അപകടം പിടിച്ചത് കൂടിയായിരുന്നു. അവിടെ കള്ളന്മാരുടെ ശല്ല്യം കൂടിക്കൂടി വരുന്ന സമയത്താണ് പുതിയ സുരക്ഷിതമായ വഴി ആശാൻ കണ്ടു പിടിച്ചത്.

Way to Mayilaadumkunnu

പുതിയ വഴിയെ കുറിച്ചും അതിന്റെ സൌകര്യത്തെക്കുറിച്ചും എളുപ്പത്തെക്കുറിച്ചും സഹയാത്രികരായ സുഹൃത്തുക്കളോടും സഹപ്രവർത്തകരോടും ജനാർദ്ദനൻ വിസ്തരിച്ചു പറഞ്ഞു. പക്ഷെ ആർക്കും അത് കേൾക്കാൻ യാതൊരു താല്പ്പര്യവും ഇല്ലാതിരുന്നതു അയാളെ ഒട്ടൊന്നുമല്ല അത്ഭുതപ്പെടുത്തിയത്. കള്ളന്മാർ വിളയാടുന്ന ദുർഘടമായ വഴിയിലൂടെ മാത്രം സ്ഥിരമായി യാത്ര ചെയ്യാൻ ഇഷ്ടപ്പെടുന്ന ഒരുപറ്റം യാത്രികർ, എന്തുമാതിരി ആൾക്കാരാണിത്, ആരെങ്കിലും കൊള്ളയടിക്കപ്പെട്ടാൽ പോലും ഒരുത്തനും ഒരു പരാതിയുമില്ല. ഇവിടെ പോലീസില്ലേ പരാതി കൊടുക്കാൻ എന്നൊരു ഭാവം.

കുയിൽപാടും മലയിൽ നിന്ന് മയിലാടുംകുന്നിലെയ്ക്കുള്ള വഴി ബി.ഒ.ടി, അടിസ്ഥാനത്തിൽ അമോരി റോഡ്‌വേയ്സ് കമ്പനി പണിതതായിരുന്നു. ആദ്യകാലങ്ങളിൽ കാൽനട യാത്രക്കാരിൽ നിന്ന് ടോൾ പിരിച്ചിരുന്നില്ല. അല്ലാ, ലോകത്തെവിടെയും കേട്ടിട്ടുണ്ടോ, കാൽനട യാത്രികരിൽ നിന്ന് ടോൾ പിരിക്കുന്ന ഇടപാടിനെ പറ്റി, പക്ഷെ ഇവിടെ കാൽനട യാത്രികരിൽ നിന്നു വരെ ടോൾ പിരിവും തുടങ്ങി, ജനാർദ്ദനൻ ന്യായമായും വിചാരിച്ചു, തന്റെ കൂട്ടുകാർ ഈ അന്യായത്തിൽ പ്രതിഷേധിച്ചു താൻ പറഞ്ഞ പുതിയ വഴിയിലൂടെ യാത്ര തുടങ്ങുമെന്ന്. പുതിയ വഴിയെ കുറിച്ചും അതിന്റെ സൌകര്യത്തെക്കുറിച്ചും എളുപ്പത്തെക്കുറിച്ചും സുരക്ഷിതത്വത്തെ കുറിച്ചും ലാഭത്തെ കുറിച്ചുമൊക്കെ സഹയാത്രികരായ സുഹൃത്തുക്കളോടും സഹപ്രവർത്തകരോടും സവിസ്തരം ജനാർദ്ദനൻ വീണ്ടും വീണ്ടും ആവർത്തിച്ചു പറഞ്ഞു. അയാൾക്ക്‌ അത്ഭുതപ്പെടാനും സഹതപിക്കാനും മാത്രമായിരുന്നു പിന്നെയും യോഗം. തന്റെ കൂട്ടുകാർ വീണ്ടും ടോൾ കൊടുത്തു മാന്യന്മാരായി പഴയ ദുർഘട വഴിയിലൂടെയുള്ള യാത്ര തുടർന്നു. വേണ്ട സമയത്ത് അറ്റകുറ്റപ്പണി നടത്താത്ത, കള്ളന്മാരുള്ള, സുരക്ഷിതത്ത്വം തീരെയില്ലാത്ത ഈ വഴിയിലൂടെ ആർക്ക് തോന്നും ഇങ്ങനെ ടോൾ കൊടുത്തു യാത്ര ചെയ്യാൻ? അങ്ങനെ വലിയ വാഹനങ്ങൾ മുതൽ ചെറിയ വാഹനങ്ങൾ വരെ ഒന്നൊന്നായി പഴയ വഴി ഉപേക്ഷിച്ചു, സുരക്ഷിതവും സുശക്തവും സുഗമവും യഥാസമയം അറ്റകുറ്റപ്പണികൾ ചെയ്യുന്നതുമായ പുതിയ വഴിയിലൂടെ സഞ്ചരിച്ചു തുടങ്ങി. എന്നിട്ടും തന്റെ കൂട്ടുകാർ മാത്രം എന്താണിങ്ങനെ? അവർക്കാർക്കും അവരുടെ സുരക്ഷയെ പറ്റി ഒരാശങ്കയുമില്ലേ? ഒരു പക്ഷെ ശീലമായിരിക്കും ഇവരുടെ പ്രശ്നം. ഹോ, എന്തുമാതിരിയുള്ള ഒരു ശീലമാണിത്, അയാൾ അത്ഭുതം കൂറി.

കുയിൽപാടും മലയിൽ നിന്ന് മയിലാടുംകുന്നിലെയ്ക്കുള്ള വഴിയെപ്പറ്റി അധികം വൈകാതെ മറ്റൊരാക്ഷേപവും ഉയർന്നു വന്നു, അതിലൂടെ യാത്ര ചെയ്യുന്ന കാൽനട / വാഹന യാത്രികർ സംസാരിക്കുന്നതും ചർച്ച ചെയ്യുന്നതുമായ എല്ലാ കാര്യങ്ങളും രഹസ്യമായി അമോരി റോഡ്‌വേയ്സ് കമ്പനി റെക്കോർഡ്‌ ചെയ്യുന്നു എന്നതായിരുന്നു പുതിയ വാർത്ത. എന്നാലെങ്കിലും തന്റെ കൂട്ടുകാർ ഈ അന്യായത്തിൽ പ്രതിഷേധിച്ചു താൻ ചൂണ്ടിക്കാണിച്ച പുതിയ വഴിയിലൂടെ യാത്ര തുടങ്ങുമെന്ന് അയാൾ വീണ്ടും വെറുതേ പ്രതീക്ഷിച്ചു.
(വെറുതെയീ മോഹങ്ങൾ എന്നറിയുമ്പോഴും വെറുതെ മോഹിക്കുവാന്‍ മോഹം എന്ന സിനിമാഗാനം അപ്പോൾ ഏതോ ടീവി ചാനലിലൂടെ ഒഴുകിവന്നു) ഈ പുതിയ വാർത്തയുടെ അടിസ്ഥാനത്തിൽ പുതിയ വഴിയെ കുറിച്ച് അതിന്റെ സുരക്ഷിതത്വത്തിന്റെ അടിസ്ഥാനത്തിൽ സഹയാത്രികരായ സുഹൃത്തുക്കളോടും സഹപ്രവർത്തകരോടും ജനാർദ്ദനൻ പിന്നെയും പറഞ്ഞു. ആരും കേട്ടില്ല, എങ്കിലും ഇത്തവണ അയാൾക്ക്‌ അത്ഭുതമൊന്നും തോന്നിയില്ല, അവർ പിന്നെയും പഴയ വഴിയിലൂടെ തന്നെ യാത്ര തുടരുന്നത് കണ്ടപ്പോൾ.

പുതിയ വഴിയിൽ അയാൾക്ക് പുതിയ സുഹൃത്തുക്കൾ ഏറെയുണ്ടെങ്കിലും ഇപ്പോഴും ജനാർദ്ദനൻ പ്രതീക്ഷിക്കുന്നു തന്റെ പഴയ സഹയാത്രികർ പുതിയ വഴിയിലൂടെ യാത്രാപഥം മാറ്റുമെന്ന്.

ഒരു സെക്യൂരിറ്റി ചിന്ത: പെര്‍മനെന്റ് ഡിലീറ്റ് ചെയ്ത ഫയല്‍ എങ്ങനെ റിക്കവറബിള്‍ അല്ലാതാക്കി മാറ്റാം?

ഡിജിറ്റല്‍ ഫോട്ടോ/വീഡിയോ ക്യാമറകളുടെ വരവോടെ ആവശ്യത്തിനും അനാവശ്യത്തിനും ഫോട്ടോ/വീഡിയോ എടുത്തു കൂട്ടുന്ന ഒരു സ്വഭാവം നമുക്ക് വന്നു കൂടി. മൊബൈല്‍ ക്യാമറ വിപ്ലവം വന്നതോടെ ഈ സ്വഭാവം സര്‍വ്വ അതിരുകളും ലംഘിക്കാന്‍ തുടങ്ങി. ഡിജിറ്റല്‍ / മൊബൈല്‍ ക്യാമറകള്‍ കൊണ്ട് നഗ്ന ചിത്രങ്ങള്‍ എടുത്തു എമ്മെമ്മെസ്സിലൂടെയും ഈമെയിലിലൂടെയും അയച്ചു കൊടുത്തുള്ള സൈബര്‍ കുറ്റകൃത്യങ്ങള്‍ പെരുകുവാന്‍ തുടങ്ങി. മിക്കവാറും ഇതിന്റെ ഇരകള്‍ പലരും നിരപരാധികളാണ് എന്നതാണ് സത്യം. ഇത്തരം മെറ്റീരിയലുകളുടെ സോഴ്സ് തേടി പോകുമ്പോഴാണ് ചില ദുഃഖ സത്യങ്ങള്‍ മനസ്സിലാവുന്നത്.

ഒരു സംഭവ കഥ ഇതാ.

നല്ല രീതിയില്‍ പ്രണയിച്ചു കൊണ്ടിരുന്ന ചെറുക്കനും പെണ്ണും. (നമുക്കവരെ ടിന്റു മോന്‍ എന്നും ടുട്ടു മോള്‍ എന്നും തല്‍ക്കാലം വിളിക്കാം) ഇവരുടെ വിവാഹം വരെ നിശ്ചയിച്ചതാണ്. വിവാഹത്തിന് മുമ്പ് ഒന്നോ രണ്ടോ ദിവസം ഒരുമിച്ചു താമസിച്ച സമയത്ത്  (ഇപ്പോഴൊക്കെ അത് പതിവാണല്ലോ!) ചുമ്മാ രസത്തിനു ടുട്ടുമോളുടെ ഒരു ടോപ്‌ലെസ്സ് ചിത്രം ടിന്റു മോന്‍ എടുത്തു. അവള്‍ എതിര്‍ത്തതുമില്ല. ലാപ്‌ടോപ്പിന്റെ ഹാര്‍ഡ് ഡിസ്കില്‍ ചുമ്മാ സേവ് ചെയ്ത ശേഷം അന്നേരം തന്നെ അത് ഷിഫ്റ്റ്‌ അടിച്ചു പെര്‍മനെന്റ് ഡിലീറ്റ് ചെയ്തത് ടുട്ടുമോള്‍ തന്നെയാണ്. ഒന്ന് രണ്ടു മാസത്തിനു ശേഷം ലാപ്‌ടോപ്പിന്റെ ഡിസ്പ്ലേ തകരാറിലായപ്പോള്‍ നന്നാക്കാന്‍ സര്‍വീസ് സെന്റെറില്‍ കൊടുത്തതും അവള്‍ തന്നെ. പറഞ്ഞതിലും നേരത്തെ ഡിസ്പ്ലേ ഒക്കെ ശരിയായി ലാപ്‌ടോപ്‌ കയ്യില്‍ കിട്ടുകയും ചെയ്തു. പിന്നെ എങ്ങനെയാണ് ഒന്ന് രണ്ടാഴ്ച്ചകള്‍ക്ക് ശേഷം അന്നെടുത്ത ആ ചിത്രങ്ങള്‍ കോളേജില്‍ പ്രചരിക്കാന്‍ തുടങ്ങിയതെന്ന് ആദ്യമൊന്നും ടുട്ടുമോള്‍ക്കു തീരെ മനസ്സിലായില്ല. പിന്നെയാണ് കാര്യങ്ങളുടെ കിടപ്പ് മനസ്സിലായതും സൈബര്‍ സെല്ലില്‍ കേസ് രജിസ്റ്റര്‍ ചെയ്തതും സര്‍വീസ് സെന്ററിലെ ചെറുപ്പക്കാരനായ എഞ്ചിനീയര്‍ അറസ്റ്റില്‍ ആയതും ഒക്കെ. ആര് അറസ്റ്റില്‍ ആയാലും പോകാനുള്ള മാനം ഏതായാലും പോയി.

ഇനി ഇത് എങ്ങനെ സംഭവിച്ചു എന്ന് നമുക്ക് പരിശോധിക്കാം.

ഒരു ഫയല്‍ നിങ്ങളുടെ കമ്പ്യൂട്ടറില്‍ നിന്ന് ഡിലീറ്റ് ചെയ്യുമ്പോള്‍ ആ ഫയലിനെപ്പറ്റിയുള്ള നേരിട്ടുള്ള ഇന്‍ഫര്‍മേഷന്‍ ( അഥവാ ഫയല്‍ ഐക്കണ്‍ മുതലായ വിവരങ്ങള്‍ ) മാത്രമേ വാസ്തവത്തില്‍ അപ്രത്യക്ഷമാകുന്നുള്ളൂ; ഫയല്‍ പൂര്‍ണ്ണമായും മാഞ്ഞു പോകുവാന്‍ പിന്നെയും കുറെ നടപടി ക്രമങ്ങള്‍ ഉണ്ട്. നിങ്ങളുടെ ഹാര്‍ഡ് ഡിസ്കില്‍ ഇഷ്ടം പോലെ സ്പേസ് ബാക്കിയുണ്ടെങ്കില്‍ ചിലപ്പോള്‍ ആ ഫയല്‍ മാഞ്ഞു പോകാന്‍ ഒരു പക്ഷെ മാസങ്ങള്‍ തന്നെ എടുത്തേക്കാം – വല്ലപ്പോഴും മാത്രം കമ്പ്യൂട്ടര്‍ ഉപയോഗിക്കുന്നവരാണെങ്കിലോ ഫയല്‍ മാഞ്ഞു പോകാന്‍ ചിലപ്പോള്‍ വര്‍ഷങ്ങള്‍ തന്നെ എടുത്തേക്കാം!

കഥയുടെ ബാക്കി കൂടി പറയാം. ഏതായാലും ടിന്റു മോനും ടുട്ടുമോളും ആത്മഹത്യ ചെയ്യാനൊന്നും പോയില്ല. വെറുമൊരു ടോപ്‌ലെസ്സ് ചിത്രത്തിന്റെ കേസ് അല്ലെ. ബോളിവുഡ്ഡിലും ഹോളിവുഡ്ഡിലും ഒക്കെ എത്രയെത്ര നടിമാര്‍ നെഞ്ചുവിരിച്ചു തുണിയുരിയുന്നു!? അതുകൊണ്ട് ഇരുവരുടെയും മാതാപിതാക്കള്‍ അവരെ ഉടന്‍ തന്നെ കെട്ടിച്ചു കൊടുത്തു. ഇപ്പോള്‍ അവര്‍ സുഖമായി നമ്മുടെ നാട്ടിന്‍പുറത്തു തന്നെ ജീവിക്കുന്നു.

ഇനി ഈ പ്രശ്നം എങ്ങനെ ഒഴിവാക്കാമായിരുന്നു എന്ന് നോക്കാം.

ഒരല്‍പം ശ്രദ്ധിച്ചിരുന്നെങ്കില്‍ സിമ്പിള്‍ ആയി ഒഴിവാക്കാമായിരുന്ന ഒരു പ്രശ്നമാണ് ഇവര്‍ ഇവിടെ വലിയൊരു ബ്രഹ്മാണ്ഢന്‍ പ്രശ്നമായി മാറ്റിയത്. ഒരു ചിത്രം നിങ്ങള്‍ സ്വന്തം ഡിജിറ്റല്‍ ക്യാമറയില്‍ എടുത്തു എന്നിരിക്കട്ടെ. അത് മറ്റാര്‍ക്കും റിക്കവര്‍ ചെയ്യാന്‍ കഴിയാത്ത രീതിയില്‍ നിങ്ങള്‍ക്ക് ഡിലീറ്റ് ചെയ്യാനാകും. ഈ പരിപാടിയ്ക്ക് വലിയ സാങ്കേതിക പരിജ്ഞാനം ഒന്നും വേണ്ട. അതിനായി ചെയ്യേണ്ട സംഗതി ഇത്രയേ ഉള്ളൂ.

  1. നിങ്ങള്‍ എടുത്ത ചിത്രം ( ഫയല്‍ ) ഏതെങ്കിലും ഒരു ഇമേജ് എഡിറ്റിംഗ് സോഫ്റ്റ്‌വെയറില്‍ ഓപ്പണ്‍ ചെയ്യുക.
  2. ഇറേസര്‍ ഉപയോഗിച്ച് അത് മുഴുവന്‍ മായ്ച്ചു കളയുക. (വേണമെങ്കില്‍ വല്ല കാക്കയുടെയോ പൂച്ചയുടെയോ പട്ടിയുടെയോ ചിത്രം അതിനു പകരം വയ്ക്കുകയുമാവാം.)
  3. അതിനു ശേഷം സേവ് ചെയ്യുക.
  4. (ഒരു അധിക സെക്യൂരിറ്റി എന്ന നിലയില്‍ വേണമെങ്കില്‍ ഫയല്‍ റീനെയിം ചെയ്യാം. റീനെയിം  ചെയ്യുമ്പോള്‍ ഫയല്‍ എക്സ്റ്റെന്‍ഷന്‍ കൂടി മാറ്റി കളയണം. ഉദാ:- mypic.jpg  എന്നത് eagle.flv എന്നോ മറ്റോ ആക്കുക)
  5. അതിനു ശേഷം പെര്‍മനെന്റ് ഡിലീറ്റ് ചെയ്യുക.
  6. ആ ഫയല്‍ ആരെങ്കിലും റിക്കവര്‍ ചെയ്‌താല്‍ പോലും ചുമ്മാ ഒരു ബ്ലാങ്ക് ഇമേജ്  അല്ലെങ്കില്‍ വല്ല കാക്കയുടെയോ പൂച്ചയുടെയോ പട്ടിയുടെയോ ചിത്രം മാത്രമാകും ലഭിക്കുക.

ഇനി നിങ്ങള്‍ക്ക് ഡിലീറ്റ് ചെയ്യേണ്ട ഫയല്‍ ഒരു ഡോക്യുമെന്റ് ആണെങ്കിലോ. ഓപ്പണ്‍ ഓഫീസ് റൈറ്റര്‍ പോലുള്ള ഒരു ഡോക്യുമെന്റ് എഡിറ്റര്‍ ഉപയോഗിച്ച് എല്ലാ ഡാറ്റയും ഡിലീറ്റ് ചെയ്തതിനു ശേഷം ഫയല്‍ റീനെയിം ചെയ്യുക, ഫയല്‍ ഡിലീറ്റ് ചെയ്യുക. ദാറ്റ്സ് ഓള്‍ .

ഇനി ഡിലീറ്റ് ചെയ്യേണ്ട ഫയല്‍ വീഡിയോ ഫയല്‍ ആണെങ്കിലോ? നേരത്തെ പറഞ്ഞത് പോലെ വീഡിയോ എഡിറ്റര്‍ ഉപയോഗിച്ച് ഫയലിനുള്ളിലെ ഡാറ്റ മുഴുവനും ഡിലീറ്റ് ചെയ്യുക, ഫയല്‍ റീനെയിം ചെയ്യുക. ഫയല്‍ ഡിലീറ്റ് ചെയ്യുക. പക്ഷെ എത്ര പേരുടെ കയ്യില്‍ വീഡിയോ എഡിറ്റര്‍ കാണും? എഡിറ്റ്‌ ചെയ്യേണ്ട വീഡിയോ ഫയല്‍ വലിയ സൈസ് ഉള്ളതാണെങ്കില്‍ നല്ല മെമ്മറി ഉള്ള സിസ്റ്റം തന്നെ വേണ്ടി വരും. ഇതൊക്കെ എല്ലാവരുടെയും കയ്യില്‍ ഉണ്ടാകണമെന്നില്ല. അപ്പോള്‍ എന്താണ് പരിഹാരം? അതിനുമുണ്ട് പരിഹാരം. ഗ്നു/ലിനക്സില്‍ ഉള്ള ചെറിയൊരു കമാന്‍ഡ് ഉപയോഗിച്ച് ഫയലിനുള്ളിലെ ഡാറ്റ മായ്ച്ചു കളയാം.

കമാന്‍ഡ് ഇതാ

shred -v -n 25 -u -z /tmp/test.mp4

കമാന്‍ഡിന്റെ വിശദീകരണം: /tmp/test.mp4എന്ന ഫയലിനെ 25 തവണ ഓവര്‍റൈറ്റ് ചെയ്ത് ട്രങ്കേറ്റ് ചെയ്ത ശേഷം പൂജ്യങ്ങള്‍ കൊണ്ട് വീണ്ടും അവസാനമായി ഓവര്‍റൈറ്റ് ചെയ്ത് ഡിലീറ്റ് ചെയ്യുക.

  1. -v  വെര്‍ബോസ് അഥവാ ക്രിയകള്‍ സ്ക്രീനില്‍ കാണിക്കുവാന്‍ വേണ്ടിയുള്ള കമാന്‍ഡ്
  2. -n  എത്ര തവണ ഓവര്‍റൈറ്റ് ചെയ്യണമെന്നു
  3. -u  ഓവര്‍റൈറ്റ് ചെയ്ത ശേഷം റിമൂവ് ചെയ്യും മുമ്പ് ട്രങ്കേറ്റ്  ചെയ്യാന്‍ വേണ്ടിയുള്ള കമാന്‍ഡ്
  4. -z  അവസാനമായി പൂജ്യങ്ങള്‍ കൊണ്ട് വീണ്ടും ഓവര്‍റൈറ്റ് ചെയ്യാന്‍ വേണ്ടിയുള്ള കമാന്‍ഡ്

നിങ്ങളുടെ കമ്പ്യൂട്ടറില്‍ ഗ്നു/ലിനക്സ്‌ ഇല്ലെങ്കില്‍ അതിനും പരിഹാരമുണ്ട്. ഇന്റര്‍നെറ്റില്‍ നിന്ന് ഏതെങ്കിലും ഗ്നു/ലിനക്സ്‌ ഡിസ്ട്രിബ്യൂഷന്‍ ഡൌണ്‍ലോഡ് ചെയ്തു ഒരു പെന്‍ഡ്രൈവില്‍ ബൂട്ടബിള്‍ ആയി സേവ് ചെയ്തെടുക്കുക. ഇത് എങ്ങനെ ചെയ്യും എന്നറിയാന്‍ ഇവിടെ നോക്കുക

അണ്ണനും ചെല്ലപയലും: സ്വതന്ത്രസോഫ്റ്റ്‌ വെയറിനെ പറ്റി ഒരു നര്‍മ്മസംവാദം

കൊര്‍ച്ച് നേരായ് യെവന്‍ ക്വലിപ്പുകള് ത്വടങ്ങീട്ട്, ഡേയ് യെന്തരെടെയ് ഈ സ്വതന്ത്ര സോഫ്റ്റ്‌വെയറുകള് ?

ഒന്നടങ്ങിയിരി അണ്ണേയ്.. പറഞ്ഞുതരാം അണ്ണേയ്. സ്വതന്ത്ര സോഫ്റ്റ്‌ വെയറുകളും ചങ്ങലക്കിട്ട സോഫ്റ്റ്‌ വെയറുകളും തമ്മില്‍ വ്യത്യാസം ക്വറേണ്ട്. അയ്ന് മുമ്പ് അണ്ണനോട് ചെല ചീള് ചോദ്യങ്ങള് ചോയ്ക്കട്ടെ?

വേഗം ചോയരടെയ്.

അണ്ണന്റെ വീട്ടീ കമ്പ്യൂട്ടറെണ്ടാ?

ഒണ്ടെങ്ങി?

ലാപ്‌ ടോപ്പാ ടെസ്ക്ടോപ്പാ

യെന്തര്?

മേശെ വക്കണതാ മടീ വക്കണതാ?

മേശെ വക്കണത്.

യതില് ഓയെസ് യെന്തര്?

യേത്? ഓയെസാ? അതെന്തര്?

അണ്ണേ, കമ്പ്യൂട്ടര്‍ ഓണ്‍ ചെയ്യുമ്പോള്‍ എമണ്ടന്‍ അക്ഷരത്തില് എന്താ ആദ്യം കാണണെ?

ഡേയ് അപ്പീ, വിന്‍ഡോസ് എന്നാ എന്തോ എപ്പളും കാണാറൂണ്ടെഡേയ്. നല്ല ഇരുട്ട് ബേക്ക്ഗ്രൌണ്ടില് വെള്ള നെറത്തില് ചെമല മഞ്ഞ കൊടികളൊക്കെ വച്ച് ഒരു മോട പേര്.

അണ്ണേയ് അണ്ണന്റെ വിന്ഡോസിന് ലൈസന്‍സ് ഒണ്ടോ അണ്ണേയ്

ലൈസന്‍സാ… എനിക്കാ… പോടെയ് പന്ന പയലേ. #@*&^ എനിക്കെന്ത് ല്വൈസന്‍സ്

അതൊക്കെ പോട്ടെ അണ്ണേയ് , ശാസ്തംഗലം കവലക്കെ രണ്ടു മാങ്ങാക്കച്ചോടക്കാര്‍ മാങ്ങ വിക്കണ്. ഒരുത്തന്റ കയ്യില്‍ പുഴു പൊളക്കണ ചീഞ്ഞ മാങ്ങ. ലവന്‍ വിക്കണത്‌ കിലോ നൂറു രൂപയ്ക്കു. മറ്റവന്റെ കയ്യീ നല്ല പൊളപ്പന്‍ ഫ്രഷ്‌ നാടന്‍ മാങ്ങ. ലവന്‍ വിക്കണത്‌ ഫ്രീ ആയി. ഇഷ്ടവോണ്ടെങ്കി ഇഷ്ടവോള്ള കാശ് കൊടുത്തേച്ച് പോ. അണ്ണന്‍ യാരുടെന്നു വേടിക്കും?

ഡേയ്, ഫ്രഷ്‌ മാങ്ങ വിക്കണവന് പ്രാന്താ? ഞാന്‍ ലവന്റ കായ്യീന്നെ വാങ്ങൂ.

അണ്ണാ, ഞാനും ലവന്റ കയ്യീന്നെ വാങ്ങൂ. തലയില്‍ മൂള ഒള്ള പയലുകളൊക്കെ ലവന്റെന്നെ വാങ്ങൂ. കാര്യം ശരിയാ, ലവന് പ്രാന്ത് തന്നെ. മഞ്ഞ പ്രാന്ത്. പഷ്ഷേ നല്ല സാധനം നാട്ടാര്‍ക്ക് ന്യായ വെലയ്ക്ക് കൊടുക്കണം എന്നോള്ള നല്ല വിചാരം കൊണ്ടോള്ള പ്രാന്താ. പിന്ന ആ മറ്റേ മോടക്കും പ്രാന്ത് തന്നെ അല്ല്? ചീഞ്ഞു പുഴുത്ത സാധനം നാട്ടാരെ പറ്റിച്ചു ഒയിരെ വെലയില്‍ വിക്കണതും പ്രാന്ത് തന്നെ അല്ല്? ഇനി കണ്ണും പൂട്ടി ആ പാഴിന്റ കയ്യീന്ന് ഏതെങ്കിലും മാക്രികള് സാധനം വാങ്ങി വീട്ടീ കൊണ്ട് പോയാ, യവര് അത് തിന്ന്വോ അണ്ണേയ് ?

ഡേയ്, അപ്പീ, നീ കളിയാക്കുവാണെഡേയ്? സ്വതന്ത്രസോഫ്റ്റ്‌വെയറിന്റെ കാര്യം പറഞ്ഞു തരാം എന്ന് പറഞ്ഞിട്ട് മാങ്ങാക്കച്ചോഡാണോഡേയ് പറെണേ?

കുറുക്കി പറയാം അണ്ണേയ്. അണ്ണന്‍ ക്ഷമീ. ഈ ചീഞ്ഞ മാങ്ങ ആണ് അണ്ണന്റെ കമ്പ്യൂട്ടറില്‍ ഒള്ള വിന്‍ഡോസ്. മൊത്തം വൈറസ്‌. മുടിഞ്ഞ വെല. ഒരു പയലിനെയും കാണിക്കാത്ത സോഴ്സ് കോഡ്. പിന്ന ആ ഫ്രഷ്‌ മാങ്ങയാണ് ഗ്നു/ലിനക്സ്‌ അധിഷ്ടിതമായ സ്വതന്ത്ര സോഫ്റ്റ്‌ വെയര്‍. ഒരു വൈറസും ഇല്ല. ബാക്ടീരിയയും ഇല്ല. പുഴും ഇല്ലൈ. ഇഷ്ടവോണ്ടെങ്കി സംഭാവന കൊടുക്കാം. അത്ര തന്നെ.