സ്വീഡനിലെ പൈറേറ്റ് പാര്‍ട്ടി എങ്ങനെയാണ് സ്വതന്ത്ര സോഫ്റ്റ്‌വെയറിനെ ദോഷമായി ബാധിക്കുന്നത്

ഇതിനെയാണ് പറയുന്നത് “കുളിപ്പിച്ച് കുളിപ്പിച്ച്കൊച്ചിനെ ഇല്ലാതാക്കുക” എന്ന് 🙂 🙂 കോപ്പിറൈറ്റിൽ കയറി കളിച്ചാൽ കോപ്പിലെഫ്റ്റിന്റെ ഡിപ്പന്റൻസി ചെയിൻ പൊട്ടും. ജീപീഎല്ലിന്റെ ശക്തി കുറയും. എങ്കിൽ പിന്നെ ഡിപ്പന്റൻസി ഒഴിവാക്കി കോപ്പിലെഫ്റ്റിനെ റീഎഞ്ചിനീയർ ചെയ്തൂടെ? കോപ്പിലെഫ്റ്റിനു നിയമപരമായി നിലനിൽപ്പില്ല എന്നാണല്ലോ പറയുന്നത്, കോപ്പിലെഫ്റ്റിനു നിയമപരമായ സ്വതന്ത്ര നിലനിൽപ്പ്‌ / സാധുത ഉണ്ടാക്കാൻ ആഗോളതലത്തിൽ എന്തെങ്കിലും ശ്രമങ്ങൾ ഉണ്ടായിട്ടുണ്ടോ?

നേരിടം

എഴുതിയത് റിച്ചാര്‍ഡ് സ്റ്റാള്‍മന്‍

അറിയിപ്പ് : ഓരോ പൈറേറ്റ് പാര്‍ട്ടികള്‍ക്കും അവരുടേതായ തട്ടകമുണ്ട്. പകര്‍പ്പവകാശ ശക്തി ഇല്ലാതാക്കാന്‍ ശ്രമിക്കുന്നു എന്നാണ് അവര്‍ എല്ലാവരും പറയുന്നത്. എന്നാല്‍ അതിന് ഏറ്റക്കുറച്ചിലുകളുണ്ട്. ഈ പ്രശ്നം പാര്‍ട്ടികളുടെ മറ്റ് നയങ്ങളെ ബാധിക്കുന്നുമില്ല.

സ്വീഡനില്‍ പകര്‍പ്പവകാശ വ്യവസായത്തിന്റെ മുഠാളത്തരം സഹിക്കാന്‍ വയ്യാതെ ആദ്യമായി പകര്‍പ്പവകാശത്തിന് നിയന്ത്രണം കൊണ്ടുവരായുള്ള ഒരു രാഷ്ട്രീയ പാര്‍ട്ടി രൂപീകരിച്ചു. പൈറേറ്റ് പാര്‍ട്ടി. ഡിജിറ്റല്‍ നിയന്ത്രണ വ്യവസ്ഥയുടെ നിരോധനം, വാണിജ്യാവശ്യത്തിനല്ലാത്ത പങ്കു വെക്കലിന് നിയമ സാധുത, വാണിജ്യാവശ്യത്തിനായുള്ള പകര്‍പ്പവകാശത്തിന്റെ കാലാവധി കുറക്കുക(5 വര്‍ഷം) തുടങ്ങിയവയാണ് അവരുടെ ലക്ഷ്യം. പ്രസിദ്ധകരിക്കപ്പെട്ട എല്ലാം 5 വര്‍ഷം കഴിഞ്ഞാല്‍ പൊതു ഉടമസ്ഥതയിലാവും.

ഞാന്‍ ഈ മാറ്റങ്ങളെ പൊതുവായി അംഗീകരിക്കുന്നു. എന്നാല്‍ സ്വീഡനിലെ പൈറേറ്റ് പാര്‍ട്ടി തിരഞ്ഞെടുത്ത പ്രവര്‍ത്തനങ്ങള്‍ സ്വതന്ത്രസോഫ്റ്റ്‌വെയറിനെ മോശമായി ബാധിക്കുന്നതാണ്. സ്വതന്ത്രസോഫ്റ്റ്‌വെയറിനെ ദ്രോഹിക്കണമെന്ന് കരുതി മനഃപ്പൂര്‍വ്വം അവര്‍ അങ്ങനെ ചെയ്തു എന്നല്ല പറയുന്നത്. പക്ഷേ ദോഷമാണുണ്ടായത്.

ഗ്നു ജനറല്‍ പബ്ലിക്ക് അനുമതിയും മറ്റ് പകര്‍പ്പുപേക്ഷാ ലൈസന്‍സുകളും പകര്‍പ്പവകാശം ഉപയോഗിച്ചാണ് അതിന്റെ ഉപയോക്താക്കള്‍ക്ക് സ്വാതന്ത്ര്യം ഉറപ്പാക്കുന്നത്. എല്ലാവര്‍ക്കും മാറ്റം വരുത്തിയ സൃഷ്ടികള്‍ ജി.പി.എല്‍ അനുസരിച്ച് പ്രസിദ്ധീകരിക്കാനാവും, അതേ ലൈസന്‍സ് പ്രകാരമാകണമെന്ന ഒരു നിബന്ധനമാത്രമേയുള്ളു. മാറ്റം വരുത്താതെയും ഈ അനുമതി പ്രകാരം സൃഷ്ടികളുടെ വിതരണം നടത്താനാവും. എല്ലാ വിതരണത്തിലും സോഫ്റ്റ്‌വെയറിന്റെ സോഴ്സ് കോഡ് ഉപയോക്താക്കള്‍ക്ക് ലഭ്യമാക്കണം എന്നത് നിര്‍ബന്ധമാണ്.

സ്വീഡനിലെ പൈറേറ്റ് പാര്‍ട്ടിയുടെ പ്ലാറ്റ്ഫോം എങ്ങനെയാണ് പകര്‍പ്പുപേക്ഷയില്‍ അടിസ്ഥാനമായ സ്വതന്ത്രസോഫ്റ്റ്‌വെയറിനെ ബാധിക്കുക ? അതിന്റെ സോഴ്സ് കോഡ് പൊതു ഡൊമൈനിലേക്ക് പോകുന്നു…

View original post 435 more words

Advertisements

ഭാരതീയ പൈറേറ്റ് പാർട്ടി

പ്രത്യക്ഷജനാധിപത്യം, സമ്പൂര്‍ണ അഭിപ്രായ സ്വാതന്ത്ര്യം, സ്വതന്ത്ര സാംസ്‌കാരിക വിനിമയം തുടങ്ങിയ മനോഹരമായ ആശയങ്ങളുമായി ഭാരതീയ പൈറേറ്റ് പാർട്ടി ആരംഭിച്ചത് അടുത്ത കാലത്താണ്. എല്ലാ രാഷ്ട്രീയ പാർട്ടികളും അഴിമതിയിൽ മുങ്ങി കുളിച്ചു നിൽക്കുമ്പോൾ മൂല്യങ്ങളിൽ വിശ്വസിക്കുന്ന ഒരു പറ്റം മനുഷ്യർ ഒന്നിലും പെടാതെ ഒരു മൂലയിൽ മാറി നിൽക്കുന്നു. ഭാരതീയ പൈറേറ്റ് പാർട്ടി അത്തരം നല്ല മനുഷ്യർക്ക്‌ ഒരു തണൽ നൽകുന്നു. 2002 ഏപ്രിൽ 11 നാണു ഭാരതത്തിൽ ഈ പാർട്ടി രൂപീകൃതമായത്. സ്വീഡനിൽ രൂപീകൃതമായ പൈറേറ്റ് പാർട്ടിയേയും അതിന്റെ ആദർശങ്ങളായ വിജ്ഞാന സ്വാതന്ത്ര്യം, സാമൂഹിക സമത്വം, മനുഷ്യാവകാശസംരക്ഷണം, തുറന്ന ഭരണം എന്നിവയേയുമാണ് ഭാരതീയ പൈറേറ്റ് പാർട്ടി മാർഗ്ഗരേഖയാക്കുന്നത്. അഴി­മ­തി­ക്കെ­തി­രെ ­കാര്‍­ട്ടൂണ്‍ വര­ച്ച സ്വ­ത­ന്ത്ര കാര്‍­ട്ടൂ­ണി­സ്റ്റ് അസിം ത്രി­വേ­ദി­യെ ­മും­ബൈ പൊ­ലീ­സ് അറ­സ്റ്റ് ചെ­യ്ത­തിനെതിരേ പൈ­റേ­റ്റ് പാര്‍­ട്ടി ശബ്ദമുയർത്തിയിരുന്നു. രണ്ടായിരത്തി പന്ത്രണ്ടിന്റെ തുടക്കത്തിൽ അണ്ണാ ഹസാരെയും സംഘവും ഡൽഹിയിൽ നടത്തിയ ജനാധിപത്യ പ്രക്ഷോഭങ്ങളുടെ ഒരു തികച്ചും സ്വതന്ത്രവും നിഷ്പക്ഷവുമായ ഒരു നീക്കമായി ഭാരതീയ പൈറേറ്റ് പാർട്ടിയെ കാണാം.

Pirate Party of India

ഭാരതീയ പൈറേറ്റ് പാർട്ടിയുടെ ചിഹ്നം

സ്വതന്ത്ര ചിന്താഗതി ഉള്ള മൂല്യങ്ങളിൽ വിശ്വസിക്കുന്ന നല്ല വ്യക്തികളെ മാത്രമാണ് ഭാരതീയ പൈറേറ്റ് പാർട്ടി സ്വാഗതം ചെയ്യുന്നത്. സ്വതന്ത്ര സോഫ്റ്റ്‌വെയർ പ്രവർത്തകരും സ്വാതന്ത്ര്യം എന്ന ആശയത്തെ മുറുകെ പിടിക്കുന്നവരും ഭാരതീയ പൈറേറ്റ് പാർട്ടിക്ക് കീഴിൽ അണി ചേരുക.

ജര്‍മ്മനിയില്‍ പൈറേറ്റ് പാര്‍ട്ടിക്ക് 12,000-ത്തിലധികം അംഗങ്ങളുണ്ട്. രാജ്യത്തെ അഞ്ചാമത്തെ വലിയ രാഷ്ട്രീയ പാര്‍ട്ടിയായി അത് ഉയര്‍ന്നു കഴിഞ്ഞു. 2007-ല്‍ യൂറോപ്യന്‍ പാര്‍ലമെന്റിലേക്ക് നടന്ന തിരഞ്ഞെടുപ്പില്‍ സ്വീഡനില്‍ 7.1 ശതമാനം വോട്ടും ഒരു സീറ്റും പൈറേറ്റ് പാര്‍ട്ടി നേടിയിരുന്നു. പൈറേറ്റ് പാര്‍ട്ടി മധ്യവര്‍ഗത്തിന്റെ പിന്തുണയാര്‍ജിച്ച് ലോകമാകെത്തന്നെ സാന്നിധ്യമറയിക്കുന്നതിന്റെ സൂചനയാണ് ഈ നേട്ടങ്ങൾ.

രണ്ടു വർഷം മുമ്പ് ബര്‍ലിനിൽ നടന്ന പ്രാദേശിക പാര്‍ലമെന്റ് തിരഞ്ഞെടുപ്പില്‍ ജര്‍മന്‍ പൈറേറ്റ് പാര്‍ട്ടി മികച്ച നേട്ടം കൈവരിച്ചു. ഒമ്പത് ശതമാനം വോട്ടുകളോടെ 15 സീറ്റുകൾ ആണ് അവർ  നേടിയത്. ഭരണകക്ഷിയായ ഫ്രീഡെമോക്രാറ്റിക് പാര്‍ട്ടിയെ അപേക്ഷിച്ച് തിളക്കമാര്‍ന്ന വിജയമാണ് വെറും അഞ്ച് വര്‍ഷം മുമ്പ് മാത്രം രൂപം കൊണ്ട പൈറേറ്റ് പാര്‍ട്ടി നേടിയത്. വെറും രണ്ട് ശതമാനം വോട്ടുകള്‍ മാത്രം നേടാനായ എഫ് ഡി പി എല്ലാ സീറ്റുകളിലും പരാജയപ്പെടുകയുമുണ്ടായി. ഏഴു വർഷങ്ങൾക്കു മുമ്പ് യൂറോപ്പിലെ നോര്‍ഡിക് രാഷ്ട്രങ്ങളില്‍ രൂപംകൊണ്ട പൈറേറ്റ് പാര്‍ട്ടി ഇന്ന് 33ലേറെ രാജ്യങ്ങളില്‍ പ്രവര്‍ത്തിക്കുന്നു.

പ്രബുദ്ധരായ ജർമ്മൻ ജനതയും സ്വീഡിഷ് ജനതയും പൈറേറ്റ് പാർട്ടിയെ ഹൃദയത്തിലേറ്റിയത് പോലെ അത്രയൊന്നും പ്രബുദ്ധത അവകാശപ്പെടാൻ കഴിയാത്ത ഭാരത ജനത എത്രത്തോളം ഈ പാർട്ടിയെ സ്വീകരിക്കും എന്ന് ചെറിയൊരു സംശയവും ഇല്ലാതില്ല.

അവലംബം:

  1. http://www.janayugomonline.com/php/newsDetails.php?nid=1004021
  2. http://ml.wikipedia.org/wiki/%E0%B4%AD%E0%B4%BE%E0%B4%B0%E0%B4%A4%E0%B5%80%E0%B4%AF_%E0%B4%AA%E0%B5%88%E0%B4%B1%E0%B5%87%E0%B4%B1%E0%B5%8D%E0%B4%B1%E0%B5%8D_%E0%B4%AA%E0%B4%BE%E0%B5%BC%E0%B4%9F%E0%B5%8D%E0%B4%9F%E0%B4%BF
  3. http://www.pirateparty.org.in/