അതിരാവിലെ മക്കള്‍ പച്ച വസ്ത്രങ്ങളണിഞ്ഞു് സ്കൂളില്‍ പോകാന്‍ തുടങ്ങിയപ്പോളാണു് തോന്നിയതു് ഇന്നു് ലോകപരിസ്ഥിതി ദിനമായിരിക്കുമെന്നു്. എത്ര തെറ്റായ സന്ദേശമാണു് നാം നമ്മുടെ കുഞ്ഞുങ്ങള്‍ക്കു് നല്‍കുന്നതെന്നു് ആലോചിച്ചു് ഒരുമാത്ര കുറ്റബോധം തോന്നിപ്പോയി. ജൂണ്‍ അഞ്ചിനു് മാത്രം അനുഷ്ഠാനപരമായി ഒന്നു പരിസ്ഥിതിയെപ്പറ്റി ചിന്തിച്ചാല്‍ മതിയത്രെ. ബാക്കിയുള്ള ദിവസങ്ങള്‍ മുഴുവന്‍ പരിസ്ഥിതിയെ നശിപ്പിച്ചാലും കുഴപ്പമൊന്നുമില്ല.