എക്സ്.പി. ഉപയോക്താക്കൾക്ക് പുതിയ പ്രതീക്ഷയുമായി ഉബുണ്ടു 14.04 പതിപ്പ് പുറത്തിറങ്ങി

കൊച്ചി: ഉബുണ്ടുവിന്റെ പുതിയ 14.04 പതിപ്പ് പുറത്തിറങ്ങിയതോടെ 500 ദശലക്ഷം എക്സ്.പി. ഉപയോക്താക്കൾക്ക് പ്രതീക്ഷയുടെ വാതിലുകള്‍ വീണ്ടും തുറക്കുന്നു. ഉപയോക്താക്കളെ കടുത്ത ആശങ്കയിലാഴ്ത്തിക്കൊണ്ട് ജനപ്രിയ ഓപ്പറേറ്റിംഗ് സിസ്റ്റമായ വിൻഡോസ് എക്സ്.പി. വിട ചൊല്ലിയത് ഈ മാസം ആദ്യവാരമാണ്. പുതിയ വിൻഡോസ് പതിപ്പ് വാങ്ങിയവരില്‍ പലരും പഴയ ഹാര്‍ഡ് വെയര്‍ സപ്പോര്‍ട്ട് ചെയ്യാത്തതിനാല്‍ കമ്പ്യൂട്ടര്‍ തന്നെ പുതിയതു വാങ്ങേണ്ട ഗതികേടിലായിരുന്നു. ഏതായാലും ഉബുണ്ടുവിന്റെ പുതിയ 14.04 പതിപ്പ് പഴയ എക്സ്.പി. ഉപയോക്താക്കളില്‍ നിന്ന് ആശങ്കയകറ്റുന്നു.

ട്രസ്റ്റി തഹര്‍ എന്നു വിളിപ്പേരിട്ടിരിക്കുന്ന ഉബുണ്ടു 14.04 പതിപ്പ് ദീര്‍ഘകാല പിന്തുണയും ഉറപ്പു നല്‍കുന്നു. മൈക്രോസോഫ്റ്റിന്റെ പിന്തുണ അവസാനിച്ചതോടെ ബുദ്ധിമുട്ടിലായ വിന്‍ഡോസ് എക്‌സ്.പി. ഉപയോക്താക്കള്‍ക്ക് കൂടുതല്‍ മികച്ച മാറ്റത്തിനുള്ള ഏറ്റവും നല്ല അവസരമാണിത്. ആവശ്യമെങ്കില്‍ വിന്‍ഡോസ് നില നിര്‍ത്തിക്കൊണ്ടുതന്നെ ഉബുണ്ടു ഇന്‍സ്റ്റാള്‍ ചെയ്യാനും കഴിയും. ഉബുണ്ടു 14.04ന്റെ സി. ഡി. ഇമേജ് ഇന്റര്‍നെറ്റില്‍നിന്ന് സൗജന്യമായി ഡൗണ്‍ലോഡ് ചെയ്യാം. പഴയ പതിപ്പുകള്‍ ഉപയോഗിക്കുന്നവര്‍ക്ക് സി.ഡി.വഴിയോ ഓണ്‍ലൈനായോ അപ്‌ഗ്രേഡ് ചെയ്യാനും സാധിക്കും.

സ്വതന്ത്ര സോഫ്റ്റ്‌വേര്‍ ഓപ്പറേറ്റിങ് സിസ്റ്റങ്ങളില്‍ ലോകത്ത് ഏറ്റവും കൂടുതല്‍ ഉപയോക്താക്കളുള്ള  ഗ്നു/ലിനക്സ് വിതരണമാണ് ഉബുണ്ടു. ലണ്ടന്‍ ആസ്ഥാനമായി പ്രവര്‍ത്തിക്കുന്ന കാനോനിക്കല്‍ കമ്പനിയാണ് ഉബുണ്ടുവിന്റെ സ്രഷ്ടാക്കള്‍. ലോകമാകമാനം പന്ത്രണ്ട് ദശലക്ഷത്തിലധികം സംതൃപ്തരായ ഉപഭോക്താക്കള്‍ ഉബുണ്ടു ഉപയോഗിക്കുന്നു. കഴിഞ്ഞ ഏതാനും വര്‍ഷങ്ങള്‍ കൊണ്ട് ഉബുണ്ടു ഉപയോക്താക്കളുടെ എണ്ണത്തില്‍ വന്‍ വര്‍ധനയാണ് ഉണ്ടായിട്ടുള്ളത്. കേരളത്തിലെ സ്കൂളുകളും പല സംസ്ഥാന സര്‍ക്കാര്‍ സ്ഥാപനങ്ങളും ഉബുണ്ടു അധിഷ്ഠിതമായ ഓപ്പറേറ്റിംഗ് സിസ്റ്റം ആണ് ഇപ്പോള്‍ ഉപയോഗിക്കുന്നത്. ഇത് കൂടാതെ പല സ്വകാര്യ / മാനേജ്മെന്റ് എഞ്ചിനിയറിംഗ് കോളെജുകളും ഉബുണ്ടുവിലേക്ക് ചുവടുമാറിക്കൊണ്ടിരിക്കുന്നു. വൈറസ്സിനെ ഭയക്കേണ്ട, നാല്പതിനായിരത്തോളം സൗജന്യ സോഫ്റ്റ്‌വേര്‍ പാക്കേജുകള്‍, പ്രോസ്സസ്സിംഗ് വേഗത, കൃത്യത എന്നിവയാണ് ഉബുണ്ടുവിന്റെ മുഖ്യ സവിശേഷതകള്‍.

“എക്സ്.പിയുടെ സപ്പോര്‍ട്ട് അവസാനിക്കുന്നതിനു മുമ്പുതന്നെ പല കമ്പനികളും വ്യക്തികളും ഉബുണ്ടുവിലേയ്ക്ക് ചുവടുമാറാന്‍ വേണ്ട സാങ്കേതിക സഹായം ആവശ്യപ്പെട്ട് ഞങ്ങളെ സമീപിച്ചിരുന്നു. ഇതേ പ്രശ്നം വീണ്ടും സംഭവിക്കാനുള്ള സാധ്യത ഭയന്ന് മൈക്രോസോഫ്റ്റിന്റെ തന്നെ മറ്റൊരു വെര്‍ഷനിലേയ്ക്ക് മാറാന്‍ പല കമ്പനികളും മടിക്കുന്നതിനാല്‍ വിപണിയില്‍ ചുവടുറപ്പിക്കാന്‍ ഉബുണ്ടുവിന് ഇത് ഏറ്റവും അനുകൂല അവസരമാണ്”, ഉബുണ്ടു അടിസ്ഥാനമാക്കി പ്രവര്‍ത്തിക്കുന്ന കമ്പ്യൂട്ടറുകളും ഇതര ഹാര്‍ഡ് വെയറുകളും ഇവയുടെ സമ്പൂര്‍ണ്ണ സേവനങ്ങളും പ്രാദേശികമായി ലഭ്യമാക്കിക്കൊണ്ട് കൊച്ചി ആസ്ഥാനമായി പ്രവര്‍ത്തിക്കുന്ന മാനവീയം ടെക്നോളജീസ് ഡയറക്ടര്‍ ശ്രീ. സമീര്‍ താഹിര്‍ പറയുന്നു.

“സാധാരണ കമ്പ്യൂട്ടറുകളില്‍ ആന്റി വൈറസ് സോഫ്റ്റ്‌ വെയറുകള്‍ക്ക് കൊടുക്കേണ്ടിവരുന്ന കനത്ത വിലയും അവ പ്രവര്‍ത്തിപ്പിക്കുമ്പോള്‍ കമ്പ്യൂട്ടറില്‍ വരുന്ന അധിക ലോഡും ഒക്കെ കണക്കാക്കുമ്പോള്‍ ഉപയോക്താവിന് വരുന്ന നഷ്ടം വളരെ വലുതാണ്‌. വൈറസ് ബാധയെ ഒരു കാലത്തും ഭയക്കേണ്ടതില്ലാത്തതിനാല്‍ യാതൊരു വിധ ആന്റി വൈറസ് പ്രോഗ്രാമുകളും ഇന്‍സ്റ്റോള്‍ ചെയ്യാതെ തന്നെ മാനവീയം ലഭ്യമാക്കുന്ന ഉബുണ്ടു അധിഷ്ഠിത കമ്പ്യൂട്ടറുകള്‍ എന്നെന്നും വൈറസ് വിമുക്തവുമായിരിക്കും. ഇതുമൂലം ഇടയ്ക്കിടെയുള്ള ഫോര്‍മാറ്റിങ്ങും ഡാറ്റാ നഷ്ടവും ഒക്കെ പൂര്‍ണമായും ഒഴിവാക്കാം. മാത്രമല്ല വന്‍വില കൊടുത്തു വാങ്ങുന്ന വിന്‍ഡോസില്‍ ഓഫീസ് സ്യൂട്ടും ഗ്രാഫിക് പ്രോഗ്രാമുകളും ഉള്‍പ്പെടുന്നില്ല എങ്കില്‍, ഇവയടക്കം നാല്‍പ്പതിനായിരത്തോളം സോഫ്റ്റ് വെയറുകളാണ് സ്വതന്ത്രവും സൗജന്യവുമായി ഉബുണ്ടുവില്‍ ലഭിക്കുന്നത്”,  ശ്രീ. സമീര്‍ താഹിര്‍ കൂട്ടിച്ചേര്‍ത്തു.

ഏപ്രില്‍ 18 മുതല്‍ മെയ് 18 വരെയുള്ള ഉബുണ്ടു ലോഞ്ച് ക്യാമ്പെയിന്‍ കാലയളവില്‍ എക്സ്.പി.യില്‍ നിന്ന് മാറി ഉബുണ്ടു ഉപയോഗിക്കുന്ന പുതിയ ഉപയോക്താക്കള്‍ക്കായി അടിസ്ഥാന ഉബുണ്ടു കോഴ്സുകളും ആവശ്യക്കാര്‍ക്കായി ഉബുണ്ടു ഇന്‍സ്റ്റാള്‍ ചെയ്ത സീ.ഡി.റോമുകളും പെന്‍ ഡ്രൈവുകളും മെമ്മറി കാര്‍ഡുകളും മാനവീയം ടെക്നോളജീസില്‍ ലഭ്യമായിരിക്കും. കൂടുതല്‍ വിവരങ്ങള്‍ക്ക് : 9995717112 (സമീര്‍ മൊഹമ്മദ് താഹിര്‍ , ഡയറക്ടര്‍ മാനവീയം) /  വെബ്സൈറ്റ് : http://www.manaveeyam.in

കമ്പ്യൂട്ടർ മസ്തി, ലീബ്രെ ഓഫീസ് സേവനങ്ങളുമായി മാനവീയം

കൊച്ചി: വൈറസ്‌വിമുക്തവും അതിസുരക്ഷിതവുമായ കമ്പ്യൂട്ടർ ഉപയോഗത്തിന് വേണ്ടിയുള്ള സേവനങ്ങൾ നല്കുന്ന കൊച്ചിയിലെ മാനവീയം ടെക്നോളജീസ് വിദ്യാഭ്യാസ സ്ഥാപനങ്ങൾക്കും കോർപ്പറേറ്റ് മേഖലയ്ക്കുമായി പുതിയ സേവനങ്ങൾ ലഭ്യമാക്കുന്നു.

കമ്പ്യൂട്ടർ മസ്തി

സ്കൂളുകൾക്ക് വേണ്ടി ഐ.ഐ.ടി. ബോംബേ രൂപകല്പ്പന ചെയ്ത കമ്പ്യൂട്ടർ മസ്തി എന്ന കമ്പ്യൂട്ടർ കരിക്കുലം ആണ് വിദ്യാഭ്യാസ മേഖലയ്ക്കായി മാനവീയം ഒരുക്കുന്നത്. ഈ അധ്യയന വർഷം തന്നെ കമ്പ്യൂട്ടർ മസ്തിയും അനുബന്ധ സേവനങ്ങളും കേരളത്തിലെ വിദ്യാലയങ്ങൾക്കു നല്കാൻ മാനവീയം സജ്ജമായിക്കഴിഞ്ഞു. കമ്പ്യൂട്ടർ വിദ്യാഭ്യാസ മേഖലയില്‍ നടത്തിയ വര്‍ഷങ്ങളുടെ ഗവേഷണങ്ങള്‍ കൊണ്ടാണ് ഐ.ഐ.ടി. ബോംബെയിലെ റിസര്‍ച്ച് ടീം കമ്പ്യൂട്ടർ മസ്തിക്ക് രൂപം നല്കിയത്. പൊതുവില്‍ കമ്പ്യൂട്ടർ വിദ്യാഭ്യാസത്തില്‍ സോഫ്റ്റ്വെയറുകള്‍ വെറുതേ പരിചയപ്പെടുത്തിക്കൊണ്ടാണ് ട്രെയിനിംഗ് നല്കുന്നത്. എന്നാല്‍ ആശയാധിഷ്ഠിതവും മൂല്യാധിഷ്ഠിതവുമായ ഉന്നത നിലവാരമുള്ള വിദ്യാഭ്യാസ പദ്ധതിയാണ് കമ്പ്യൂട്ടർ മസ്തിയില്‍ ഉള്‍ക്കൊള്ളിച്ചിരിക്കുന്നത്. സി.ഡി റോം അടക്കമുള്ള ടെക്സ്റ്റ് ബുക്കുകള്‍, അധ്യാപകര്‍ക്കുള്ള ട്രെയിനിംഗ് , ഹാന്‍ഡ് ഹോള്‍ഡിംഗ്, ഒറിജിനല്‍ സോഫ്റ്റ്വെയറുകള്‍, ക്വസ്റ്റ്യന്‍ ബാങ്കുകള്‍, അസസ്സ്മെന്റുകള്‍ തുടങ്ങിയവയല്ലാം ഒരു വര്‍ഷത്തേക്കുള്ള സേവനങ്ങളില്‍ ഉള്‍പ്പെടുന്നു. മുംബൈയിലെ ഇൻ-ഓപ്പണ്‍ കമ്പനിയുമായി സഹകരിച്ചാണ് മാനവീയം ടെക്നോളജീസ് കമ്പ്യൂട്ടർ മസ്തി സേവനങ്ങള്‍ കേരളത്തില്‍ ലഭ്യമാക്കുന്നത്.

ലീബ്രെ ഓഫീസ്

ലീബ്രെ ഓഫീസിനായുള്ള കമേഴ്സ്യൽ സേവനങ്ങളാണ് മാനവീയം കോർപ്പറേറ്റ് മേഖലയ്ക്കായി ഒരുക്കിയിരിക്കുന്നത്. ലോകത്തിലെ അതിപ്രശസ്തമായ ഓഫീസ് സ്യൂട്ട് ആണ് ലീബ്രെ ഓഫീസ്. ഏറ്റവും മികച്ച യൂസര്‍ഫ്രണ്ട്‍ലീ ഇന്റർഫേസ്, വിവിധ ഫയൽ ടൈപ്പുകൾക്കുള്ള ഇംപോർട്ട് / എക്സ്പോർട്ട് സപ്പോർട്ട്, തുടങ്ങിയ പ്രത്യേകതകൾ മൂലം കോർപ്പറേറ്റ് മേഖലയുടെ പ്രിയപ്പെട്ട ഓഫീസ് സ്യൂട്ട് എന്ന സ്ഥാനം കൈവരിക്കാൻ ലീബ്രെ ഓഫീസിനു കഴിഞ്ഞിട്ടുണ്ട്. വേർഡ് പ്രോസസ്സിങ്ങിനായുള്ള ‘റൈറ്റർ’, സ്പ്രെഡ്ഷീറ്റ് ഉപയോഗങ്ങൾക്കുള്ള ‘കാൽക്ക്’, മൾട്ടി മീഡിയ പ്രസന്റേഷനായി ‘ഇംപ്രസ്’, ഡാറ്റാബേസ് മാനേജ്മെന്റിനായുള്ള ‘ബേസ്’, വരയ്ക്കാനും മറ്റുമുള്ള ‘ഡ്രോ’, ഗണിത ശാസ്ത്ര ഫോർമുലകൾക്കായി ‘മാത്ത്’, തുടങ്ങിയ പ്രോഗ്രാമുകൾ അടങ്ങിയതാണ് ലീബ്രെ ഓഫീസ് സ്യൂട്ട്. എല്ലാ ഇന്ത്യന്‍ ഭാഷകളിലും ലീബ്രെ ഓഫീസ് ലഭ്യമാണ്. ലോകമൊട്ടാകെ 25 മില്ല്യണില്‍ കൂടുതല്‍ ഉപയോക്താക്കള്‍ ലീബ്രെ ഓഫീസിനുണ്ട്. ഡാറ്റാ മൈഗ്രേഷൻ, ഇൻസ്റ്റലേഷൻ, ട്രെയിനിംഗ് എന്നിവ അടക്കമുള്ള സമഗ്ര സേവനങ്ങളാണ് ലീബ്രെ ഓഫീസിനായി മാനവീയം ഒരുക്കുന്നത്.

കൂടുതല്‍ വിവരങ്ങള്‍ക്ക് : http://www.manaveeyam.in / ഫോണ്‍ : 9995717112